Қазіргі күнде сәбилердің ішінде тілі кеш шығатындары көбейді. Бұл жағдай қоғамды алаңдатып отыр. Ондай сәбилердің ата-аналары бастарын тауға да тасқа ұрып, маман жағалап та кеткен. Мамандар мұның себебі ретінде сәбидің смартфон ұстауын алға тартады. Оның диагнозын «цифрлық аутизм» деп атап жатыр. Аутизм екі түрлі болады екен. Бірі туа бітті аутизм. Ол бұрыннан бар нәрсе. Ал екінші түрі осыдан оншақты жылдан бері пайда болған цифрлық аутизм.
