Адам өзгерді ме, заман өзгерді ме деп жатады. Адам өзгерді демеске лаж жоқ. Өйткені алаяқтардың көбейіп кеткені соншалық, олардың әшкере болмаған күні жоқ десе де болады. Таяқ тастасаңыз алаяққа барып тиетін заман келді. Мұндайға ежелден-ақ заманың түлкі болса, тазы болып шал деп баға беріп қойған. Заңсыз пайда табу деген қадамға екінің бірі ешбір шімірікпестен бара беретін болғаны қашан. Ал мұндайға қоғамның көзі мен құлағы үйреніп те, еті өліп те кеткен. Сондықтан алаяқтық әрекеттерге таң қалмайтын болдық.
