Бұрынғы шенеуніктердің немесе бизнесмендердің елден қашып шығып, шет елдерде бой тасалап жүруі біздің қоғамымыз үшін үйреншікті нәрсеге айналған. Әсіресе қашып жүрген жемқорлар көп. Осыдан екі жыл бұрынғы мәліметте жемқорлықпен істі болғандардың 65-і ұстатпай жасырынып жүргені, ал соның 33-і шет елдерге қашып кеткені келтірілген. Одан бергі кезеңде құқық қорғау органдарынан қашып жүрген жемқорлар мен шенеуніктер көбеймесе, азаймаған болар. Ұсталып жатқандары да жоқ емес.
