Түркияның қауіпсіздігін күзететін арнайы қызмет түрлері мен полициясы әлемдегі ең қырағы деген құрылымдардың қатарына жатады. Соңғы жылдары Түркияда терроризммен күрес шаралары күшейтілген көрінеді. 2020 жылы 152 террорлық қылмыстың жолы кесілген екен. Ал өткен жылдың тек үш айында 20-дан астам террорлық әрекеттің алдын алған. Соған қарамастан Түркияда жарылыстар болып тұрды. Өкінішке қарай терактілердің кезінде бейбіт тұрғындар қаза болады. Соңғы он жылда Түркияда жүздеген адам терактінің құрбаны болғаны жайлы мәліметтер ашық ақпарат көздерінде бар.
