Ауыл шаруашылығында күрделі жағдайлар бар. Солардың бірі – судың жетпеушілігі. Қазақстанның оңтүстік өңірлерінің ауыл шаруашылығы тауарларын өндірушілерін сумен қамтамасыз ету жайлы үкімет отырысы өтті. Экология және табиғи ресурстар министрі Зүлфия Сүлейменова Алматы, Жамбыл, Қызылорда және Түркістан облыстарында су тапшылығы барын айтады. Су қоймаларына келіп жатқан судың деңгейі жеткіліксіз. Соның салдарынан сумен қамтамасыз етуде күрделі жағдай қалыптасып отыр.
