Еліміз тәуелсіздік алған кезеңнен бастап дамудың өзіндік үлгісін қалыптастырып келеді. Әрине, экономикасы өркендеген елдің әлеуметтік ахуалы да кемелдене түсері заңды құбылыс. Бұл тұста болашаққа барлау жасай білудің де маңыздылығы зор. 90-шы жылдар мен бүгінгі Қазақстанның айырмашылығы жер мен көктей. Қазір өз кәсібін ашамын деген адамға шектеу жоқ. Керісінше, қолдау басым. Бұған Елбасының кәсіпкерлікке деген қолдауы мүмкіндік беріп отыр. Мәселен Президенттің әр жылғы жолдауының 70 пайызы бизнестің дамуына бағытталған. Осы жайттар «Мықты бизнес – Қуатты мемлекет» фильміне арқау болды.
Спикерлер: "Қарқын" ЖШС директоры міндетін атқарушы - Сайран Бұқанов; Атырау облысы кәсіпкерлер палатасы өңірлік кеңесінің төрайымы - Әлия Бекқұжиева; "Қазақстан фермерлер одағы" РҚБ президенті - Әуезхан Дарынов; ҚР Кәсіпкерлерінің құқықтарын қорғау жөніндегі уәкіл - Болат Палымбетов; "Басту-Бизнес" жобасының түлегі - Тұрган Шамшетова.
Тілші: Құралай Пионер.
