31 тамызда "Алау" мұз айдыны сарайында Астананың тарихында тұңғыш рет кәсіпқойлар арасында ММА аралас жекпе-жек спорт өнері бойынша "Есіл жағасындағы жекпе-жек" халықаралық турнирі өтеді, деп хабарлайды Астана қаласы әкімдігінің ресми сайты.
Турнир аясында Fight Nights Global чемпиондық белбеуі үшін жеңіл салмақта Жалғас Жұмағұлов (Қазақстан) және Тагир Уланбеков (Ресей) арасында жекпе-жек болады. Жалғас Жұмағұлов бұрын осы белдік үшін Вартан Асатрянмен кездескен.
Сондай-ақ, осы турнир шеңберінде елорданың тұрғындары мен қонақтары АСВ-ға қатысатын, ALASH PRIDE клубының тәрбиеленушісі Асу Алмабаев пен Джовхар Дошуев арасындағы жекпе-жекті, FIGHT NIGHTS промоушенда өнер көрсететін танымал қазақстандық спортшы Жұман Жұмабековтың кәсіби спортта 5-0 рекордпен, жеңіліссіз келе жатқан Мұхамед Эминовқа қарсы жекпе-жекті тамашалайды.
Сонымен қатар, көрермендер муай-тай ережесімен екі жекпе-жекті тамашалайды: Астана қаласы әкімінің жүлдесін кәсіби турнирде ұтып алған Николай Самусев пен "Tobet Top Team" бірыңғай жекпе-жек академиясының тәрбиеленушісі Рүстем Ақжанов өз өнерлерін ортаға салады.
Билеттер "Алау" мұз айдыны сарайының кассаларында және ticketon.kz сайтында сатылады. Басталуы сағат 18:00-де.
