Атырау облысында полицейлер жайып жүрген бір отар қойымен бірге ығып кеткен адамды бір тәуліктен астам уақыттан кейін тапқан, деп жазды inbusiness.kz тілшісі.
Жылыой ауданының 76 жастағы тұрғыны 150 қоймен бірге жоғалып кеткені жөнінде Жылыой аудандық полиция бөліміне 11 ақпан күні 10.35 сағат шамасында хабарланады. Ол мал жаюға шығып кеткеннен қайтып оралмапты. Іздеуге кіріскен полиция мен төтенше жағдай қызметкерлері оны 12 ақпан күні 11.00 сағатта Асан-Кеткен қырынан тауып алған. Ол шаруа қожалығының қыстағынан 15 шақырым қашықтықта орналасқан.
Айта кетейік, бұған дейін Индер ауданында "Көкат" шаруа қожалығының иесі де жайып жүрген малымен бірге жоғалып кетіп, екі күннен кейін БҚО аумағынан аман-есен табылған еді.
Құралай Қуатова
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
