DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 324,92 Brent 36,55
«Болашақ» стипендиясын тағайындау тәртібі өзгереді

«Болашақ» стипендиясын тағайындау тәртібі өзгереді

«Болашақ» бағдарламасының басым мамандықтар тізбесі бұдан былай еліміздің еңбек нарығындағы қажеттіліктерді болжай отырып әзірленеді.

23 Мамыр 2020 17:01 115

«Болашақ» стипендиясын тағайындау тәртібі өзгереді

Білім және ғылым вице-министрі Мирас Дәуленов «Болашақ» халықаралық стипендиясын тағайындау үшін үміткерлерді іріктеу және стипендияны тағайындаудың жаңа қағидалары қабылданғанын мәлім метті.

Өзгерістер ең алдымен бағдарламаның ашықтығы мен әділеттілігін арттыруға, барлық үміткерлер үшін теңдей мүмкіндік ұсынуға және бюрократиялық кедергілерді жоюға бағытталған.

«Болашақ» бағдарламасының басым мамандықтар тізбесі бұдан былай еліміздің еңбек нарығындағы қажеттіліктерді болжай отырып әзірленеді. Әлеуметтік және гуманитарлық ғылымдарға бөлінетін стипендия саны шектеліп, инженерлік-техникалық, IT және медициналық мамандықтарды оқуға көбірек көңіл бөлінеді.

Үміткерлер ендігәрі U.S. News Best Global University Ranking елдік рейтингтеріне сәйкес кемінде 65 баллға (Global Score) ие болған немесе ЭЫДҰ-ның топ-50 және ARWU, THE QS, US News рейтингтерінің топ-50 қатарындағы танымал жоғары оқу орнына түсіп, шартсыз шақыру алуға тиіс.

Тағылымдамадан өту тәсілі де өзгерді. Енді тағылымдамадан өту үшін тек жоғары оқу орындарына ғана емес, сонымен қатар жетекші ғылыми орталықтар мен зертханаларға да баруға болады.

Үміткер GPA бойынша шетелдік жоғары оқу орнының талаптарына сай келсе, іріктеу барысында GPA растаудың қажеті болмайды.

Үміткер 6 турдың орнына 3 турдан (кешенді тестілеу, тәуелсіз сарапатамалық комиссия және Республикалық комиссия) өтеді. Құжаттарды қабылдаудан бастап стипендия тағайындалғанға дейінгі бүкіл процестің нәтижелерін үміткер автоматтандырылған жүйедегі жеке кабинетінде қадағалай алады.

Енді шет тілі білімінен тест тапсырудың қажеті жоқ. Ал мемлекеттік тілді меңгергенін Қазтест сертификатын ұсынып, растайды.

Тәуелсіз сараптамалық комиссия жұмысының жаңа регламенті енгізіліп, комиссия мүшелерінің саны 3-тен 5-ке дейін артады. Үміткерлермен әңгімелесу президенттік кадрлық резервке іріктеу үлгісі бойынша автоматтандырылған жүйе арқылы жүргізіледі.

Тілдік дайындықтан алдын ала өтуге тек ауылдық елді мекеннен шыққан үміткерлерге ғана рұқсат етіледі. Тіл курстары тек Қазақстан аумағында ғана жүргізіледі. Шет тілін меңгеру деңгейіне қойылатын талап та артады.

Сондай-ақ, барлық квоталық санат жойылды.

Қағидаларды бекіту туралы Үкіметтің қаулысымен толығырақ zan.gov.kz сілтемесі арқылы өтіп, танысуға болады.

inbusiness.kz-ті қараңыз, оқыңыз :

ҚР БҒМ Ғылым комитеті төрағасының орынбасары тағайындалды

Бұл туралы Білім және ғылым вице-министрі Мирас Дәуленов Facebook парақшасында жазды.  

25 Сәуір 2020 15:56 151

ҚР БҒМ Ғылым комитеті төрағасының орынбасары тағайындалды

ҚР Білім және ғылым комитеті төрағасының орынбасары болып Болат Нұрланұлы Кеңесов тағайындалды, деп хабарлайды ҚР БҒМ баспасөз қызметі.

 Болат Нұрланұлы жаңа қызметке тағайындалғанға дейін Әл-Фараби атындағы ҚазҰУ Физика-химиялық талдау және зерттеу орталығының директоры қызметін атқарған. Ол Қазақ ұлттық университетінің түлегі, 2007 жылы кандидаттық диссертациясын қорғаған. Wageningen University (Нидерланд), Iowa State University (АҚШ), University of Barcelona (Испания) және Gdansk University of Technology (Польша) сынды шетелдік жоғары оқу орындарында тағылымдамадан өткен.

Болат Кеңесов – 100-ден астам ғылыми жұмыстың авторы, оның ішінде беделді халықаралық ғылыми журналдарда 26 мақаласы жарық көрген. Олардың 13-і бірінші квартиль қатарындағы беделді басылымдарда жарияланған. Хирш индексі бойынша көрсеткіштері – 11 (Web of Science) және 13 (Scopus).

Қазақстан Республикасының Тұңғыш Президенті – Елбасы Қоры сыйлығының лауреаты, ҚР БҒМ жанындағы Жас ғалымдар кеңесінің белді мүшесі Болат Нұрланұлының жетекшілігімен 1 кандидаттық және 5 Ph.D диссертациялары қорғалды.

ҰБТ кезіндегі видеолар бір ай бойы қайта тексеруден өтеді

Егер де тест кезінде адам көшіріп отырғаны таспадан анықталса, онда ол адам оқудан шеттетіледі. 

07 Ақпан 2020 17:30 107

ҰБТ кезіндегі видеолар бір ай бойы қайта тексеруден өтеді

ҰБТ аяқталғаннан кейін тестілеу кезіндегі видеолар бір ай бойы қайта тексеруден өтеді. Егер де емтиханда талапкер тарапынан заңсыз әрекеттер анықталса, онда оның жинаған ұпайы жойылады. Бұл туралы ҚР Білім және ғылым вице-министрі Мирас Дәуленов мәлім етті, деп хабарлайды ҚазАқпарат.

Оның сөзіне қарағанда, ҰБТ-дан кейінгі бір айға жуық уақытта тестілеу кезінде түсірілген бейнежазбалар қайтадан тексеріледі.

«Постмониторингке тоқталсақ, бұл тұрғыда ҰБТ тапсырылғаннан кейін 20-30 күн қамтылады, яғни тестілеу кезіндегі видеоматериалдар тексеріледі. Егер де тест кезінде адам көшіріп отырғаны таспадан анықталса, онда ол адам оқудан шеттетіледі. Яғни, оның сертификатының күші жойылады»,– деп түсіндірді вице-министр Ұлттық тестілеу орталығында өткен кеңесте.

Бұдан бұрын хабарланғандай, Мирас Дәуленов тестілеуге талапкер өзінің орнына басқа біреуді жіберсе, бұл жағдайда аталған адам бір жылға емтихан тапсыра алмайтынын айтты.

Жаңалықтарға жазылу: