Денсаулық сақтау министрлігінің мәліметінше, "Аңсаған сәби" арнайы бағдарламасы аясында жыл сайын ЭКҰ-ның көмекші репродуктивті рәсімдерін жүргізуге 7 000 квота бөлінеді. 2021 жылдың қорытындысы бойынша 3 249 әйел жүктілік бойынша есепке алынған. 2 097 отбасында көптен күткен 2 461 бала дүниеге келген.
Оның ішінде 1 288 қыз бен 1 172 ұл, 364 бала бірнеше жүктіліктен туылды.
2020 жылдың 1 қыркүйегінде Мемлекет басшысы "Жаңа жағдайдағы Қазақстан: іс-қимыл кезеңі" атты халыққа Жолдауында Үкіметке 2021 жылдан бастап ЭКҰ-ға квоталарды 7 есеге ұлғайтуды тапсырған болатын. Оған республикалық бюджеттен 6 млрд теңгеден астам қаржы бөлінді.
Мемлекет басшысының жолдауын сапалы іске асыру мақсатында Денсаулық сақтау министрлігі бірқатар іс-шаралар өткізді:
- жетекші бейінді мамандар мен денсаулық сақтауды ұйымдастырушылар қатарынан Сараптамалық кеңес құрылды;
- "Аңсаған сәби" арнайы бағдарламасы бекітілді, оны іске асыру шеңберінде ҚРТ бойынша нормативтік-құқықтық актілер қайта қаралды;
- өңірлер бөлінісінде бедеулігі бар пациенттердің (әйелдер мен ерлер) тізімдері жасалды;
- фертильді жастағы әйелдер мен ерлердің санын ескере отырып, өңірлердің ЭКО бөлінісінде 7 000 цикл бөлінді;
- Әлеуметтік медициналық сақтандыру қоры (ӘМҰБ) медициналық ұйымдар бөлінісінде ЭКҰ қызметтерінің көлемін орналастырды. ММС жүйесінде ЭКҰ өткізу бойынша қызметтерді бүгінде 19 клиника ұсынады (оның ішінде 3 Мемлекеттік, 16 жеке медициналық ұйымдар).
Осылайша, бұл нәтижелер Денсаулық сақтау министрлігінің "Аңсаған сәби" әлеуметтік бағдарламасын табысты іске асырғанын айғақтайды және бұдан әрі МӘМС жүйесінде жыл сайын ЭКҰ-ға дайындалған пациенттердің барынша көп санын қамтамасыз ету мүмкіндігі болады.
