/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 384,89 Brent 36,55
Экономиканы тығырықтан шығару үшін әлем елдері 8 трлн доллар шығындады

Экономиканы тығырықтан шығару үшін әлем елдері 8 трлн доллар шығындады

Осы дағдарыс ауқатты және кедей елдер арасындағы теңсіздікті айқын көрсетті. 

23 Сәуір 2020 14:18 195

Экономиканы тығырықтан шығару үшін әлем елдері 8 трлн доллар шығындады

Экономиканы тығырықтан шығару үшін әлем елдері 8 трлн доллар шығындады. Осынша қаражат жағдайды бұрынғы қалыпқа келтіруге жетпейді. Мемлекет тарапынан берілген көмек көлемінің әртүрлі болуы әлем елдері арасындағы теңсіздікті күшейтуі мүмкін, деп хабарлайды Atameken Business Блумбер сараптамасына сүйеніп.

Осы дағдарыс ауқатты және кедей елдер арасындағы теңсіздікті айқын көрсетті. Мәселен, Германия жалпы ішкі өнімінің 30 пайызын шығындаған. Бұл – 1 трлн 84 млрд доллар.  Еуропаның әлжуаз мемлекеттерінде індетпен дәл осылай күресетін жағдай жоқ. Немістер осы аптадан бастап санитарлық шектеулерді азайып, бірқатар ірі дүкендерін ашты. Мақсат – шағын және орта бизнесті тығырықтан шығару. Егер науқастардың саны азайса, бұл ел 4 мамырдан бастап мектептегі жұмысты да жандандырады. Бәрі жақсы болса, карантин күзде алынып тасталуы мүмкін.

Халықаралық валюта қоры әлем елдеріне Германияны үлгі еткенмен, Африка және Латын Америкасындағы 60-қа жуық жағдайы төмен мемлекеттерде экономиканы сауықтыру үшін бөлген қаржы млрд доллардан аспайды. Бұл салыстырмалы түрде алғанда теңізге тамған тамшыдай.

Қытайдың өзі экономикасын ретке келтіру мақсатында жалпы ішкі өнімінің бар болғаны 3 пайызын ғана бөлді. Жапонияда бұл көрсеткіш  – 20. Сингапур, Гонконг пен Австралияда 10 пайыздан сәл асады.

Ұйымның бас экономисі Гита Гопинат дамушы елдердің шамасы вирус зардабымен күресуге жетпейді. Салдарынан әлемдік қаржы балансы бұзылады деп бірнеше рет ескерту жасаған болатын. Бір ғана мысал, Францияның  пандемияға қарсы күрес үшін бөлгені  – 300, Испаниянікі  – 100 млрд. Ал АҚШ-тыкы 2 трлн 300 млрд-тан асады. Қара құрлықтағы қоры жеткілікті деген Оңтүстік Африка Республикасының өзі бар болғаны 26 млрд доллар шығындаған. Онымен көршілес елдердегі жағдай өте нашар екенін ескерсек, көзге көрінбейтін жау атанған пандемия кезінде осынша көмектің қайыры болады деу қиын. Эфиопияның Премьер-министрі Африкаға күллі әлем бірігіп қол ұшын созбаса, осынша қаржыны шығындау – бекер. Себебі құрлықтағы 1 млрд 300 млн адамның сіңірі шыққан кедей екенін айтады.

Осы жолы қаржылық қолдау 3 категория бойынша бөлінді. Біріншісі: медицина саласына аударылды. Сосын – тұтынушыларды қолдау мақсатында тікелей ақша аудару және бизнесті қолдау шаралары. Үшіншісі – кәсіпкерлерді салықтан босату, қарызын кейінге шегеру немесе субсидия беру. 

Әлемдік экономикаға банкроттық толқыны төніп тұр

Экономикалық дағдарыстың бірінші кезеңі аяқталып келеді, бірақ қазірдің өзінде екіншісі басталады-ау деген белгілер байқалады. 

25 Мамыр 2020 17:07 167

Әлемдік экономикаға банкроттық толқыны төніп тұр

Бөлініп жатқан қаражат банкроттық толқынын еш тоқтата алмайды. Бірқатар сарапшы осылай дейді.

Әсіресе АҚШ экономикасы қазір іркіліске тап болып отыр. Өйткені бұл елде қаржы секторы шешуші рөл атқарады, кәсіпорындардың басым бөлігі қарыз капиталын пайдаланады. Қазіргі таңда ақша ағыны азайып, қаржыландыруға деген қажеттілік, керісінше, артуда.

Fitch агенттігінің соңғы мәліметіне сүйенсек,несие нарығында дефолттың айлық өсімі соңғы алты жылдағы ең жоғары көрсеткішке жетті. Себебі, кәсіпорындар төлем мерзімін өткізіп алған немесе банкроттық туралы құжат толтыруда.

Fitch Leveraged Loan Default Index дерегі бойынша, мамыр айында дефолттың жалпы сомасы 12,6 млрд долларға жеткен. Бұл 2014 жылдан бергі ең нашар көрсеткіш. Осылайша жыл басынан бері көрсеткіш 33,3 млрд долларға дейін өскен. Агенттік осы сегменттегі дефолт көлемі 2020жылы 80 млрд долларға дейін жетіп, 2009 жылғы ең жоғары көрсеткішке ие болады деп топшылап отыр.

Бірқатар сарапшы дефолт бойынша тақтатасты секторы көш бастайды деп болжаған еді.Бірақ соңғы екі айда көбіне америкалық ритейлерлердің қарызды өтей алмағаны тіркелген. Өйткені барлығы бірдей пандемия кезінде жұмысын жалғастыра алмады, дені онлайн сауда-саттық жасауға дайын болмай шықты.Ритейлерден кейінгі орында телекоммуникация, қызмет көрсету және өндірістік сектор. Энергетика саласы бұл тізімде бесінші орында.

Әлемдегі ең ірі қаржы компаниясы саналатын Blackrock басшысы Ларри Финк қазір банкирлер банкроттық толқынына дайындалып жатқанын мәлімдеді. Одан бөлек Федералды қор жүйесі, Халықаралық валюта қоры да экономика құлдырайды деген мәнердегі болжамдарымен осы күнге дейін бөлісіп келеді.

Кей сарапшылар дағдарысты қарыздан тәуелсіз, яғни көп қарызы жоқ кәсіпорындар оңай еңсереді деген пікірде. Lazard компаниясының басшысы Питер Орсзагтың ойынша, бір компанияның банкроттыққа ұшырауы басқаларына да теріс әсер етеді. Осындай факторлардың салдарынан экономика тоқырап, компаниялардың жұмысы айтарлықтай іркіледі.

Табиғат Нұрболат

Google коронавирус кесірінен жұмысқа алуды тоқтатады

Сондай-ақ маркетингтік бюджет көлемі де қысқармақ.

24 Сәуір 2020 12:46 298

Google коронавирус кесірінен жұмысқа алуды тоқтатады

АҚШ-тың Google компаниясы қызметкерлерді жұмысқа алуды уақытша тоқтатады және маркетингтік шараларға арналған бюджетін екі есе қысқартады.

Корпорацияның мұндай қадамға баруына әлемді жайлаған жаңа коронавирус пандемиясы түрткі болып отыр. Бұл туралы CNBC басылымы хабарлады.Осыдан бір апта бұрын Google жыл соңына дейін инвестиция көлемін қысқартатын мәлімдеген еді. 

Қазір індет алпауыт компанияларды тығырыққа тіретіп отырғаны мәлім. Оның қатарында әйгілі Walt Disney де бар. Бұл корпорация осы аптадан бастап 100 мыңнан астам қызметкеріне жалақы төлеуін уақытша тоқтататуға шешім қабылдады. Өйткені пандемия кесірінен оның түрлі нысандары жабылып қалған.  АҚШ, Еуропа және Азияда сан түрлі ойын-сауық парктері мен қонақүйлері бар компанияның жұмысшыларының тең жартысы осылайша еңбекақы төленбейтін демалысқа жіберілді.  Financial Times басылымының есептеуінше, мұндай қадамға бара отырып, Disney 500 млн долларға жуық қаражатты үнемдеп қалуды көздеп отыр.

Табиғат Нұрболат