Биылғы қаңтар-қыркүйек айларында Қазақстанда 251 көлік ұрланған, бұл өткен жылдың сәйкес кезеңімен салыстырғанда 6%-ға аз. Өткен жылғы осы уақыт аралығында елде 267 автокөлік ұрлығы тіркелді, жылдық қарқын 16,3% төмендеген.
Айта кетейік, 2020 жылдан бастап коронавирус пандемиясы басталғалы бері елде автоұрлық бірте-бірте азайып келеді.
Өткен жылдың қаңтар-қыркүйек айларында 3,1 мың кез-келген көлік түрі ұрланса, биыл бұл 3,6 мыңға жеткен, жылдық өсім 13,9%-ды құрады.
Өңірлік бөліністе көлік ұрлау оқиғасының басым бөлігі Алматыда тіркелді. 57 жағдай – бір жыл бұрынғыға қарағанда бірден 46,2%-ға артық.
Сондай-ақ антилидерлер үштігіне Қостанай – 31 көлік ұрланған, жыл ішінде 19,2% және Қарағанды (28 көлік ұрланыпты, қылмыс 24,3% азайған) облыстары кірді. Автокөлік ұрлығы ең аз тіркелген – Солтүстік Қазақстан облысы. Бір жыл бұрынғыдай 2 қылмыс болған.
Атырау облысында автоұрлық саны біршама көбейген: жылына 3 есе, бір жыл бұрын 2 оқиға, биыл 6 ұрлық тіркелген. Ақтөбе облысында ұрлық саны үш есе азайды. Биыл 10 оқиға, 2021 жылдың қаңтар-қыркүйегінде 27 көлік ұрлығы болған.
Қазақстанда көлік ұрлаушылар жапондық автомобильдерді қолды еткенді жөн көреді, деп хабарлайды zakon.kz. Порталдың мәліметінше, жыл басынан бері елімізде 909 автокөлік ұрланған, оның 775 немесе 85,3%-ы табылып, заңды иелеріне қайтарылған. Халықаралық байланыстардың бар-жоғын тексеретін 19 қылмыстық топ ұсталды.
Сондай-ақ соңғы жылдары ұрланған автокөлікті сатуда оның "егіз нұсқасын (двойник)" ұсыну тәсілі жиі қолданылады.
