2021 жылдың мамыр айының соңындағы көрсеткіштерге сүйенсек, фармацевтикалық препараттар бір жыл ішінде 5,5%-ға қымбаттады, деп хабарлайды inbusiness.kz тілшісі energyprom.kz-ке сілтеме жасап.
Жылдық динамиканың айтарлықтай өсуі Маңғыстау облысында байқалды - 20,5%.
Қазақстанның бойынша бағалар тек Жамбыл облысында төмендеді (0,3%).
Бір айда орташа алғанда ел бойынша бағалар өзгерген жоқ. Аймақтар бойынша фармацевтикалық өнімдерге бағаның айтарлықтай өсуі Шымкентте байқалды - сәуірмен салыстырғанда 0,9%.
Сонымен бірге болашақта Қазақстанда дәрі-дәрмектер 10% -15% қымбаттауы мүмкін, деп хабарлайды ktk.kz. Мемлекет бағасын қымбаттатпай ұстап тұратын дәрілердің тізімін қысқартуға ниетті. Бәсекелестікті қорғау және дамыту агенттігі қолданыстағы ережелер бизнестің дамуына тосқауыл болып отырғанын айтады.
Биыл қаңтар-сәуір айларында елге 353,1 млн долларға 8,1 мың тонна дәрі-дәрмек әкелінді. Импорттың жылына 20,2% төмендеуі байқалады, ал ақшаға шаққанда 1,3% өскен.
ТМД елдеріне импорттың 42,8% немесе 3,5 мың тонна препарат тиесілі. Көрсеткіш 31,9% төмендеген. Негізгі импорттаушы Ресей болып табылады: 21,4 млн доллар немесе 2,8 мың тонна.
ТМД-дан тыс мемлекеттерден 4,6 мың тонна дәрі-дәрмек әкелінді (57,2%), бұл өткен жылмен салыстырғанда 8,3% аз. Негізгі жеткізушілер Қытай (1,2 мың тонна, + 48,2%), Үндістан (721,6 тонна, - 12,9%) және Германия (516,8 тонна, - 45,6%) болды.
Құралай Құдайберген
