/img/tv1.svg
RU KZ
Ералы Тоғжанов Биологиялық қауіпсіздік жөніндегі кеңес отырысын өткізді

Ералы Тоғжанов Биологиялық қауіпсіздік жөніндегі кеңес отырысын өткізді

«Биоқауіпсіздік мәселелерін заңнамалық реттеу үшін тиісті заң жобасын әзірлеу қажет».

07 Тамыз 2020 09:56 511

Ералы Тоғжанов Биологиялық қауіпсіздік жөніндегі кеңес отырысын өткізді

Бүгін ҚР Премьер-министрінің орынбасары Е. Тоғжанов бейнеконференция байланысы режимінде жетекші отандық ғалымдар мен сарапшылардың қатысуымен Мемлекет басшысының тапсырмасы бойынша құрылған Биологиялық қауіпсіздік жөніндегі кеңестің отырысын өткізді, деп хабарлайды үкімет басшысының ресми сайты.

Кеңесте еліміздің биоқауіпсіздігіне қатысты өзекті мәселелер, осы сала бойынша жеке заң әзірлеу, халықты COVID-19-ға қарсы вакциналау, кадрлар даярлау, сондай-ақ ғылыми зерттеулер жұмысын дамыту қажеттігі талқыланды.

Мәселелерді талқылау барысында ғалымдар мен сарапшылар еліміздің биоқауіпсіздігін одан әрі дамыту бойынша жүйелі шараларды әзірлеу үшін диалогтық алаң ретінде құрылған кеңестің маңыздылығын жоғары бағалады.

Білім және ғылым министрлігі биоқауіпсіздік және биотехнология саласында елімізде 12 ғылыми ұйым жұмыс істейтінін, бүгінгі таңда осы ұйымдар аса қауіпті ауруларға қарсы 68 вакцина, биологиялық препараттардың 52 түрін әзірлегенін хабарлады.

Бұл Кеңес үздік әлемдік практикаларды Қазақстанға енгізу үшін беделді халықаралық ұйымдармен, биоқауіпсіздік жөніндегі зерттеу институттарымен ынтымақтастықты жолға қояды, сондай-ақ басым бағыттарды дамыту жөнінде ұсынымдар әзірлей отырып, биоқауіпсіздік саласындағы өнім өндірудің отандық нарығына талдау жасайды.

Премьер-министрдің орынбасары пандемия жағдайында биологиялық қауіпсіздік саласын дамытудың ерекше маңыздылығын атап өтті.

«Кеңес жаңа технологияларды енгізуді, цифрландыруды, ғылыми жаңалықтарды, сондай-ақ болашақты болжайтын деректерді ескере отырып, биоқауіпсіздікті дамыту бойынша жүйелі ұсыныстар әзірлеуге тиіс. Қысқа мерзімде биоқауіпсіздік саласындағы кадрлардың қажеттілігін анықтау, қазіргі талаптарды ескере отырып, оқу бағдарламаларын өзектендіру, сондай-ақ ғылыми зерттеулердің бағыттары мен тақырыптарын, олардың практикалық маңыздылығын күшейте отырып қайта қарау талап етіледі. Сонымен қатар биоқауіпсіздік мәселелерін заңнамалық реттеу үшін тиісті заң жобасын әзірлеу қажет»,– деді Е. Тоғжанов.

Ералы Тоғжанов Атырау облысына эпидемиологиялық жағдайды тексеру үшін келді

Мемлекет басшысының тапсырмасы бойынша аймақтағы эпидемиологиялық жағдаймен танысу үшін Премьер-Министрдің орынбасары Ералы Тоғжанов бастаған үкіметтік делегация Атырау облысында жұмыс сапарымен болды.  

25 Шілде 2020 19:01 507

Жұмыс сапары аясында «СК-Фармация» ЖШС қоймалары тексеріліп, медициналық мекемелердің бір айлық тұрақты қормен қамтамасыз етілуі тексерілді.

Қазіргі кезде аталған мекемелерді дәрі-дәрмекпен қамту жолға қойылған. Атап айтқанда, «СК-Фармация» апта сайын 338 түрлі препараттар жеткізіп келеді. Бұның сыртында облыстың дәріханаларына да соңғы екі апта ішінде 80 тонна дәрі-дәрмек әкелінген. 

Негізгі медикаменттер бойынша облыстың барлық медициналық мекемелерінде бір айлық  қор бар, алайда, қажетті сегіз дәрі бойынша қор бір аптаға ғана жетеді. «СК-Фармация» ЖШС Басқарма төрағасы Е.Искалиев аталған мәселені үш күннің ішінде шешуге дайын екенін жеткізді.

Премьер-Министрдің орынбасары «СК-Фармация» компаниясына облыс әкімдігімен бірлесе отырып, үш айлық медикаменттер қорын қалыптастыру үшін өтінім беру жұмыстарын жүргізуді тапсырды. 

Облыстағы эпидемиологиялық ахуалды одан ары тұрақтандыру мақсатында  шұғыл шешідерм қабылдау үшін жиын өткізілді. Жиын соңында медициналық мекемелерді өкпені жасанды желдету аппараттарымен және оттегі концентраттарымен толық жабдықтау үшін нақты шешім жолдары әзірленіп,  протоколдық тапсырмалар қабылданды.

Сонымен қатар, Ералы Тоғжанов түсіндіру жұмыстарын күшейтуді  жалғастырып, халық санитарлық нормаларды сақтауға баса мән беру керектігін атап өтті. 

Премьер-Министрдің орынбасары Ералы Тоғжанов өңірге сапары аясында  COVID-19-ға арналған инфекциялық станционар ретінде жұмыс істеп жатқан Атырау облыстық №2 ауруханасына да барды.  Онда барлығы 1557 адам коронавирус инфекциясымен түсіп, олардың  1386-сі жазылып шыққан.

Облыста қазіргі кезде инфекциялық орындар 60 пайызға артқан. Ал шілде айының басынан бері аталған орындар 83 пайыздан 61,7 пайызға дейін босаған.

Қосымша сапалы медициналық көмек көрсететін тәулік бойы жұмыс істейтін кол-орталық ұйымдастыру арқылы жәдел жәрдемге түсетін қоңыраулар 1300-ден 700-ге дейін азайған. 

Күн сайын рейд өткізетін 114 мониторингтік топ 563 бұзушылықты анықтап, 10 миллион теңгеден астам соманың айыппұлы салынған. 

Үкіметтік делегация бұған дейін жұмыс сапарымен Қызылорда және Маңғыстау облыстарында болды.

Ералы Тоғжанов Маңғыстаудағы «СҚ-Фармация» қоймаларын тексерді

Сапар барысында облыстағы бірқатар медициналық мекемелерді аралап, өңірдегі медицина қызметкерлерімен кездесу өткізді, сондай-ақ «СҚ-Фармация» ЖШС қоймаларында дәрі-дәрмектер қорының болуын тексерді.  

24 Шілде 2020 20:11 325

Мемлекет басшысының тапсырмасы бойынша өңірлердегі эпидемиологиялық жағдайды тексеру үшін Премьер-Министрдің орынбасары Ералы Тоғжанов жұмыс сапарымен Маңғыстау облысына барды, деп хабарлайды primeminister.kz сайты.

«СҚ-Фармация» ЖШС қоймаларын тексеру кезінде КВИ мен пневмонияны емдеу үшін қажетті дәрі-дәрмектердің екі түрі - дексаметазон және преднизолон дәрілері бойынша бір айлық қорының тапшылығы анықталды. Осы мәселені шешу үшін «СҚ-Фармация» ЖШС-ына Маңғыстау облысының әкімдігімен бірлесіп медициналық мекемелерге тиелген дәрі-дәрмектерге аудит жүргізу, сондай-ақ қысқа мерзім ішінде дәрілік заттардың қажетті қорын қамтамасыз ету тапсырылды.

Үкіметтік делегация сонымен қатар Ақтаудағы қонақ үйлердің бірінде медицина қызметкерлерінің тұру жағдайларымен танысты. Бүгінгі таңда қонақ үйде мамандар орналастырылған, оның ішінде басқа өңірлерден іссапарға жіберілген 11 әскери дәрігер бар.

Кездесу барысында медицина қызметкерлері тұру және жұмыс істеу жағдайлары, сондай-ақ өңірде енгізілген карантин шараларының арқасында ауруханаларда жүктеменің тұрақты азайғаны туралы айтып берді. Премьер-Министрдің орынбасары пандемия кезіндегі алдыңғы шептегі ерен еңбегі үшін медицина қызметкерлеріне алғыс білдірді.

Айта кетейік, COVID-19-бен күресу үшін өңірге 47 маман тартылды. Дәрігерлер екі ауысымда жұмыс істейді және карантин шаралары аясында 15 қонақ үйде оқшауланып тұрып жатыр, олар барлық қажетті заттармен, оның ішінде жеке қорғаныш құралдарымен қамтамасыз етілген.

Бұған дейін Е. Тоғжанов Қызылорда облысына барып, онда шұғыл кеңес өткізген еді және облыстық бірқатар медицина мекемелері мен дәріханаларды аралады.