Сағат 12.00-де республика бойынша Төтенше жағдайлар министрлігінің аумақтық бөлімшелерінде бір минуттық үнсіздік жарияланды.
Асқар Забикулин туған жері – Ақмола облысы Еңбекшілдер ауданына қарасты Казгородок ауылында жерленді.
Еске салайық, Астанада көпқабатты тұрғын үйлердің біріндегі өртті сөндіру кезінде құтқарушылардың денесін күйік шалған болатын. Салдарынан Асқар Забикулиннің денесінің 80%-ын күйік шалып, жансақтау бөліміне түскен.
Кейіннен өрт сөндірушінің достары көмек жинаған болатын. Кейіннен оның отбасына үш бөлмелі пәтердің сертификаты табысталды.
Президент Жарлығымен Асқар Забикулин I дәрежелі "Айбын" орденімен марапатталды.
20 қараша күні өрт сөндіруші ауруханада көз жұмды. Асқар Забикулиннің артында жұбайы мен екі баласы қалды.
Марқұмның отбасына көңіл айтқан Мемлекет басшысы Қасым-Жомарт Тоқаев Асқар Забикулиннің атына Астанада көше беріліп, бюст орнатылатынын мәлімдеген болатын.
