Грекияның СІМ-нің халықаралық экономикалық қатынастар жөніндегі бас хатшысы Йоргос Ципрас Мәскеуде жүр. Ол мұнда Еуразиялық экономикалық одақтың атқарушы комитетінің өкілдерімен кездесті, деп хабарлайды грек СІМ-нің баспасөз қызметіне сілтеме жасаған РИА Новости.
Ципрас интеграцияның басты бағыттары және макроэкономика жөніндегі министр Татьяна Валова бастаған Еуразиялық экономикалық комиссия өкілдерімен Еуразиялық экономикалық одақтың Еуропалық одақпен ынтымақтастығы, Грекияның ЕАЭО-ға мүше мемлекеттердің барлығымен сауда-экономикалық қатынастарын одан әрі дамыту мүмкіндіктері, Еуразиялық экономикалық комиссия алқасының төрағасы Тигран Саркисянның Афинаға жоспарланған сапарын талқылады.
"15 желтоқсанда Солоникте өтетін конференцияға ерекше мән берілді. Грекия-Ресей байланыстарының сауда-өнеркәсіптік палатасы ұйымдастырғалы отырған шарада Еуразиялық экономикалық комиссияның қызметкерлері Одақтың мақсат-міндеттері, сондай-ақ Грекия мен Одаққа мүше мемлекеттер үшін іскерлік мүмкіндіктер мен перспективаларды таныстыратын болады", – деп мәлім етті СІМ.
