/img/tv1.svg
RU KZ
Халықаралық іздеуде жүрген күдікті Ақмола облысында ұсталды

Халықаралық іздеуде жүрген күдікті Ақмола облысында ұсталды

18 ақпанда Аршалы аудандық ПБ кезекшілік бөліміне Ижевск ауылының тұрғыны 86 жастағы әйел адам арызданған.  

29 Қыркүйек 2020 21:21 221

Халықаралық іздеуде жүрген күдікті Ақмола облысында ұсталды

Ауыр қылмыс жасағаны үшін халықаралық іздеуде жүрген күдікті Ақмола облысында ұсталды, деп хабарлайды облыстық ПД баспасөз қызметі.

Қарияның сөзінше, бұрын таныс ер адам оның денесіне залал келтірген және қорқытып, 70 мың теңгесін және «BQ» маркалы ұялы телефонын алып кеткен.

«18 ақпанда сағат 17:00 шамасында Ижевск ауылында мас күйдегі күдікті біреудің мүлкін ұрлау мақсатында қарияның үйіне барған. Әжейдің жалғыз тұратынын білген ол алдымен оны алдап үйге кіріп, темір есікті ішінен жауып алады. Қарияны сабап, отверткамен қорқытады. Кейін газ плитасындағы газ балоннын жұлып алып «үйді өртеймін» деп ақша және алты бұйымдарды беруді талап етеді. Зардап шегуші қорыққандықтан 70 мың теңгесін береді. Ер адам бұнымен қоймай, теледидардың кабелімен қауқарсыз қарияның аяқ-қолын байлап соққылайды. Отверткамен мойын тұсынан жарақат салады. Артынша үстелдің үстіндегі ұялы телефонды алып, кетіп қалады», – дейді ведомстводан. Осыған байланысты ҚР ҚК 192 бабының 2 бөлігі «қарақшылық» бойынша іс қозғалады. Екі күннен кейін Аршалы аудандық соты күдіктіге қатысты «қамауда ұстау» туралы санкция қолданады. Күдіктіге іздеу жарияланады.

«Жедел іздестіру шарасы кезінде 27 қыркүйекте 49 жастағы күдікті Целиноград ауданының Қоянды ауылының аумағында қолға түсіп, уақытша ұстау оқшаулағышына қамалды. Анықталғандай, күдікті жергілікті фермалардың бірінде өзге құжатпен жұмыс істеген», - деп толықтырды ведомстводан.

Инвестор мен жергілікті әкімдік бір мәмілеге келе алмай отыр

Дәл осы Ақмола облысында инвесторлар жергілікті билік өкілдерін жұмыс істеуге мүмкіндік бермей отыр деп айыптауда.  

14 Қараша 2019 21:56 648

Жақсы ауданында марганец өндіретін кенішті іске қосу үшін барлық жауапты ведмстволар рұқсат құжаттарын берген, деп хабарлайды Atameken Business.

Алайда аудан әкімдігі  вахталық қалашық салу үшін арнайы жер беруден бас тартқан. Дауласқан тараптардың уәжі қандай?  

Президент Абылай хан монументін салуды қолдады

Мемлекет басшысы Қасым-Жомарт Тоқаев жұмыс сапармен Ақмола облысына барды.  

14 Қараша 2019 20:16 843

Мемлекет басшысы Қасым-Жомарт Тоқаев «белсенділер ұсынған Абылай хан монументін салуды қолдау керек екенін айтты, деп хабарлайды «Хабар 24».

Тың кешен ел бейнесін айшықтайтын маңызды орынға айналатынына сенім білдірді.

«Щучинск-Бурабай курорттық аймағы еліміздегі ең көрікті 10 орынның қатарында. Жылына 2 млн-ға жуық турист қабылдауға қауқары бар. Бірақ әзірге ондай көрсеткішке қол жеткізе алмай отырмыз. бірінші кезекте Бурабай мен Щучье көлдерін батпақтан тазарту жұмыстарын жүргізу керек. Табиғаттың осы тартуын өскелең ұрпаққа сақтап қалуымыз қажет. Сондықтан Үкімет мен тиісті орындарға осы мәселені дереу шешуді тапсырамын. Жақында маған Абылай хан монументінің жобасы көрсетілді. Меніңше, бұл кешеннің құрылысына рұқсат беру керек», – деді президент

Айта кетейік, бұған дейін қоғам қайраткері Арман Шораев Абылай ханның 53 метрлік алып ескерткішін салуды ұсынған болатын. Осы жобаны іске асыруды президент Қасым-Жомат Тоқаев қолдайтынын жеткізді.