/img/tv1.svg
RU KZ
«Қарапайым заттар экономикасы» бағдарламасы бойынша 2,2 мың жобасы мақұлданды

«Қарапайым заттар экономикасы» бағдарламасы бойынша 2,2 мың жобасы мақұлданды

ҚР Премьер-Министрі Асқар Мамин Кәсіпкерлік мәселелері жөніндегі жобалық офистің отырысын өткізді.    

07 Тамыз 2020 20:18 225

«Қарапайым заттар экономикасы» бағдарламасы бойынша 2,2 мың жобасы мақұлданды

«Қарапайым заттар экономикасы» жеңілдікті несиелендіру бағдарламасын іске асырудың аралық қорытындысы, мемлекеттік сатып алудағы, «Самұрық-Қазына» ҰӘҚ» АҚ және жер қойнауын пайдаланушылардың сатып алуындағы жергілікті қамту мәселесі, сондай-ақ аса зардап шеккен салалардағы бизнес субъектілеріне жүргізілген сауалнама нәтижесі мен олардың даму перспективасы қаралды, деп хабарлайды primeminister.kz.

Отырысқа Үкімет мүшелері, өңірлер әкімдері, «Самұрық-Қазына» ҰӘҚ» АҚ, «Атамекен» ҰКП, «Бәйтерек» ҰБХ» АҚ, «Даму» КДҚ, «Аграрлық несие корпорациясы» АҚ, Қазақстан қаржыгерлері қауымдастығының басшылығы, өңірлік кәсіпкерлер палаталарының өкілдері және т. б. қатысты.

2020 жылғы 1 тамыздағы жағдай бойынша «Қарапайым заттар экономикасы» жеңілдікті несиелендіру бағдарламасы бойынша 504 млрд теңге сомасына 2 201 жоба мақұлданды, 292 млрд теңге сомасына 1 628 жоба субсидияланды. Субсидияланған жобалар бойынша көш басында Нұр-Сұлтан және Алматы қалалары, сондай-ақ Жамбыл және Қостанай облыстары, ал Павлодар, Қызылорда, Атырау облыстарында төмен динамика байқалды.

Қазақстанда қаңтар-шілде айларында 4,9 трлн теңгеге мемлекеттік сатып алу өткізілді, оның ішінде 42%-ы «қарапайым заттар экономикасы» саласының отандық тауар өндірушілері арасында өткізілді. Бұл ретте жергілікті қамтудың ауқымды үлесі Алматы, Шығыс Қазақстан, Солтүстік Қазақстан, Атырау, Түркістан, Қарағанды облыстарында, сондай-ақ Алматы қаласында қамтамасыз етілді, ал Жамбыл облысы мен Нұр-Сұлтан қаласында ең төменгі көрсеткіштер тіркелді.

Үкімет басшысы «Қарапайым заттар экономикасы» жеңілдікті несиелендіру бағдарламасы бойынша қаражаттың игерілу тиімділігін арттыру мақсатында жобаларды сүйемелдеу бойынша өңірлік жобалық офистердің жұмысын және кәсіпкерлерге қажетті қолдауды көрсетуді, сондай-ақ туындайтын кедергілерд жоюды күшейтуді тапсырды. Қаржы нарығын реттеу және дамыту жөніндегі агенттікке Қазақстан қаржыгерлері қауымдастығымен бірлесіп, биылғы тамыз айының соңына дейін екінші деңгейлі банктердің кепілмен қамтамасыз ету жөніндегі реттеуші талаптарын жеңілдету мәселесін пысықтау, сондай-ақ несие беру мәселелері бойынша бизнес субъектілерімен өзара іс-қимылды күшейту тапсырылды. Реттелетін сатып алудағы жергілікті қамту үлесін ұлғайту мақсатында Премьер-Министр өңірлердің әкімдіктеріне, «Самұрық-Қазына» Қорына нақты жүргізілген сатып алулар бойынша толық есеп беруді қамтамасыз ету, сондай-ақ жергілікті қамту жөніндегі өңірлік комиссиялардың жұмысын жандандыруды тапсырды. «Самұрық-Қазына» қорына отандық тауар өндірушілермен, оның ішінде әзірленіп жатқан атаулы қолдау тетігі аясында оффтейк-келісімшарттар жасасу жөніндегі жұмысты жалғастыру туралы тапсырма берілді. Үкімет басшысы «Атамекен» ҰКП-ның ең көп зардап шеккен экономика секторларындағы бизнес субъектілеріне жүргізген сауалнамасының қорытындысы бойынша екі апта ішінде аталған санаттағы кәсіпкерлерді одан әрі қолдау жөнінде ұсыныстар әзірлеуді тапсырды.

 

50 пайыздық кепілдік кімдерге беріледі?

«Қарапайым заттар экономикасы» шаруаларға да қолжетімді. 

03 Маусым 2020 13:14 213

Ауыл шаруашылығын қаржылай қолдау қоры 3 млрд теңгеге дейінгі несиенің 50 %-на кепілдік ұсынуға дайын. Ол үшін жобаңыз «Қарапайым заттар экономикасы» бағдарламасына енуі шарт. Бұл туралы сала басшысы Сапархан Омаров айтты.

«Ауыл шаруашылығын қаржыландыруға екінші деңгейдегі банктерді тарту үшін, оның ішінде «Қарапайым заттар экономикасы» бағдарламасына сәйкес агроөнеркәсіптік кешеннің басым салалары бойынша қарыздарды кепілдендірудің жаңа құралы әзірленді. Ауыл шаруашылығын қаржылай қолдау қоры 3 млрд теңгеге дейінгі кредиттерге 50%-ға дейінгі кепілдік ұсынады. Ал басым инвестициялық жобалар үшін кепілдік 85%-ға дейінгі мөлшерді құрайды. Жоба пайдалануға берілгеннен кейін кепілдік мөлшері стандартты шарттарға дейін төмендетіледі»,  – деді министр.

Есжан Ботақара

«Қарапайым заттар экономикасы» аясында көктемгі егіс жұмыстарын қаржыландыру басталды

Корпорация аталған бағдарлама бойынша көктемгі егістік жұмыстарын қаржыландырады. 

29 Сәуір 2020 19:43 359

Президент Қ.Тоқаевтың  тапсырмасына сәйкес ҚР Ұлттық  Банкі «ҚазАгро» ҰБХ еншілес ұйымы  «Аграрлық несиелеу корпорациясы» АҚ (АНК) және ЕДБ қорландыру үшін «Қарапайым заттар экономикасы» бағдарламасының аясында егістік компаниясын жүргізуге қосымша 100 млрд. теңге бөлді.

Негізгі мақсаты – айналыстағы  қаражатты толықтыру. Бүгінгі таңда субсидиялауды есепке ала отырып 6% жылдық мөлшерлемемен 1,3 млрд. теңге көлемінде несие берілді.

Қарапайым Заттар Экономикасы бағдарламасындағы өзгерістер түрлі ауылшаруашылық өсімдіктерді егетін фермерлерге қаржы алуға мүмкіндіктерді ұлғайтты. Енді шаруалар егіс жұмыстарын жүргізуге айналыс қаражатын 12 айға дейін толықтыра алады. Бұл ретте негізгі борышты қарыз мерзімінің соңында өтеуге болатынын айта кеткен жөн.

Қаржыландыру және шешім қабылдауға өтінімдерді қарастыру мерзімі 30 күнтізбелік  күннен 10 жұмыс күніне дейін қысқартылған. Сондай-ақ несиелеу процесін оңтайландыру және қаржыландыру процесін ықшамдау шеңберінде қарыз алушылар ұсынатын құжаттар тізбесі заңды тұлғалар үшін 27-ден 13-ке, шаруа қожалықтары мен жеке кәсіпкерлерге 16-дан 12 құжатқа қысқартылды. Өңірдегі филиалдар дербес шешім қабылдау үшін лимиттер 200 млн теңгеге дейін ұлғайтылды және несие комитеттерінің қашықтан отырыс жүргізу, ЭЦҚ арқылы құжаттар мен төлем құжаттарына қол қою практикасы да енгізілді.

Шалғайдағы елді-мекендердегі шаруаларды жеңілдетілген несиеге қол жетімділігін қамтамасыз ету мақсатында, көктемгі науқандық жұмысты жүргізуге Қарапайым заттар экономикасы аясында соңғы қарыз алушыларды қаржыландыратын Несиелік серіктестіктерді қорландыру құралы пайдаланылады. Осы уақытта бұл ұйымдар 144,1 млн. теңгені үлестірді.

Қабылданған шаралар көктемгі егістік жұмыстармен айналысатын фермерлерді несиелеу талаптарын жақсарта отырып, оларды  едәуір қолдауға мүмкіндік береді.