/img/tv1.svg
RU KZ
DOW J 23 724,20 РТС 1 155,49
Hang Seng 24 275,22 KASE 2 243,54
FTSE 100 5 842,66 Өнеркәсібі 1 484,00
Қазақстанда тағы бір шетелдік банк пайда болады

Қазақстанда тағы бір шетелдік банк пайда болады

Банк стратегия бойынша өзіне мүше емес елдерге 20 пайыз мөлшерінде кредиттік портфель ұсынады. 

11 Қыркүйек 2019 15:25 1336

Қазақстанда тағы бір шетелдік банк пайда болады

Қазақстанда тағы бір шетелдік банк пайда болады. Жаңа қаржы құрылымын ашуды Ұлттық экономика министрлігі ұсынды.

Солтүстік инвестициялық ұйым 1975 жылы құрылған. Штаб пәтері Хельсинкиде орналасқан. Банктің капиталы 6,1 млрд еуроны құрайды. Ал кредиттік портфелі өткен жылы 19,1 млрд еуро болған. Несиесі 25 жыл мерзімге беріледі.

Ведомство басшысы Руслан Дәленовтың сөзінше, банк стратегия бойынша өзіне мүше емес елдерге 20 пайыз мөлшерінде кредиттік портфель ұсынады. Көбіне қарызды жасыл экономика, телекоммуникация, көлік, өнеркәсіп, ауыл шаруашылығы, шағын және орта бизнеске береді.

inbusiness.kz-ті қараңыз, оқыңыз :

2020–2024 жылдарға болжам жасалды

Ұлттық экономика министрі атап өткендей, сыртқы параметрлердің өзгерістеріне байланысты Қазақстан экономикасының дамуының үш мүмкін болатын сценариі қарастырылған. 

27 Тамыз 2019 15:31 532

2020–2024 жылдарға болжам жасалды

ҚР премьер-министрі Асқар Маминнің төрағалығымен өткен үкімет отырысында ұлттық экономика министрі Руслан Дәленов 2020–2024 жылдарға арналған Қазақстанның әлеуметтік-экономикалық даму болжамын ұсынды, деп хабарлайды  primeminister.kz.

Ұлттық экономика министрі атап өткендей, сыртқы параметрлердің өзгерістеріне байланысты Қазақстан экономикасының дамуының үш мүмкін болатын сценариі қарастырылған. Болжам мен бюджеттік параметрлерді қалыптастыру негізіне базалық сценарий алынған. Ол мұнай бағасын $55 көлемінде шамалайды. Нақты ЖІӨ өсімі 2020 жылы 4,1% деңгейінде болжалып отыр. 2024 жылы ол 4,7%-ға жетеді. 5 жылда ЖІӨ өсімінің орташа жылдық қарқыны 4,4% құрайды. 

Министрдің айтуынша, мұнай өндіру көлемі 2020 жылы 90 млн тоннадан 2024 жылы 100 млн тоннаға дейін өседі. Бұл Теңіз, Қарашығанақ, Қашаған кен орындарын кеңейту, сондай-ақ Теңіз кен орындарын пайдалануға беру жобалары есебінен мүмкін болады. 

Номиналды жалпы ішкі өнім 2020 жылы 75 трлн теңгеден 2024 жылы 106 трлн теңгеге дейін өседі. 

Жан басына шаққандағы ЖІӨ 2020 жылы $10,5 мың құрайды, 2024 жылы $14,3 мыңға дейін ұлғаяды.

Экспорт орташа қарқынмен 2,9%-ға өсіп, 2024 жылы $63 млрд-қа жетеді. Орташа жылдық импорт өсімі 2,5% деңгейінде қалыптасып, 2024 жылы $37 млрд құрайды. 

2020-2021 жылдары жылдық инфляцияның мақсатты дәлізі 4-6% шегінде сақталған. 2022-2024 жылдары — 3-5%. Жұмыссыздық 2024 жылы 4,7%-ға дейін төмендейді. 

Әлеуметтік маңызы бар азық-түліктер бағасы инфляциядан асып тұр

Әсіресе, әлеуметтік маңызы бар 19 азық-түлік қымбаттаған.

20 Тамыз 2019 10:26 406

Әлеуметтік маңызы бар азық-түліктер бағасы инфляциядан асып тұр

ҚР Ұлттық экономика министрі Руслан Дәленов әлеуметтік маңызы бар тауарлардың қымбаттауы жөнінде баяндады, деп хабарлайды ҚазАқпарат.

«Жыл басынан бастап, инфляция 4-6% дәліз шегінде сақталуда. Жылдық инфляция 5,4% деңгейінде қалыптасты, ал 2018 жылдың шілдесінде ол 5,9% құраған. Инфляцияның өсуіне ең көп әсер еткен  – азық-түлік тауарлары. Олардың инфляция өсіміне қосқан салымы 3,4 проценттік тармақты құрады. Бұл тауарлар бағалар өсуінің шамамен 63% құрады», – деді министр үкіметтің бүгінгі отырысында.

Оның айтуынша, барлық өңірлерде әлеуметтік маңызы бар азық-түлік тауарларының бағасы инфляциядан асады.

«Әсіресе, әлеуметтік маңызы бар 19 азық-түлік тауарлары 9% ұлғайған. Ең жоғары өсу Нұр-Сұлтан (15,1%), Жезқазған (11,8%) және Талдықорған (10,4%) қалаларында байқалады. Мысалы, Нұр-Сұлтан қаласында сәбіз (2,4 есе), пияз (85,5%), картоп (82,4%), күріш (21,6%) және ұн (20,8%) қымбаттады», – деп өз сөзін жалғастырды Р. Дәленов.

Жалпы, республика бойынша әлеуметтік маңызы бар азық-түлік тауарлары арасында пияз (79,0%), сәбіз (59,3%), картоп (32,9%), күріш (23,8%), бірінші сұрыпты ұн (15,3%) бағалары айтарлықтай өскен. Тауарлар бағасына талдау жүргізілгенде, тұтынушылар бағасының өндірушілердің немесе импорттық бағалардан едәуір жоғары екені анықталған.

«Мысалы, сәбізді өндіруші бағасы 67 теңге болса, нарықтағы сату бағасы 151 теңгені құрайды. Үстеме баға ретінде 84 теңге қосылған. Біз биыл инфляцияны берілген дәлізде ұстап қалу үшін 10 тауарды анықтадық. Бұл пияз, сәбіз, картоп, қызылша, күріш, ұн, жылқы еті, қой еті, сиыр еті және нан. Тауарлардың осы тобы бойынша күшейтілген бақылау жүргізу, сондай-ақ олардың бағаларын төмендету бойынша шаралар қабылдау ұсынылады» – деді Ұлттық экономика министрі.

Жаңалықтарға жазылу: