"Соңғы күндері облыста эпидемиологиялық ахуалдың нашарлағаны, сонымен қатар тұрғындардың вирустан сақтанбай жүргені байқалады", – деп жазды аймақ әкімі Архимед Мұхамбетов. Сол себепті шұғыл штаб шектеу шараларын 30 маусымға дейін күшейту жөнінде шешім қабылдады.
19 маусымда Қостанай – Әулиекөл – Сурган, Қостанай – Рудный және Арқалық – Амантоғай тас жолдарына үш блокбекет қойылады. Мамандандырылған ХҚКО 10:00-ден 18:00-ге дейін, ал автобазарлар 10:00-ден 16:00-ге дейін жұмыс істейді.
Біраз уақыт бұрын Қарағанды мен Ақмола облыстарына да блокбекеттер қайта қойылып, Көкшетауға кірер жолдар жабылды. Жамбыл және Атырау облыстарында тұрғындардың түнде көше кезуіне тыйым салынды.
Олжас Оқас
Фото: mediazona.ca
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
