Қырғызстан президенті Алмазбек Атамбаев Сооранбай Жээнбековті республика үкіметінің басшысы етіп тағайындау туралы жарлыққа қол қойды, деп мәлім етті "Интерфакске" мемлекет басшысының баспасөз қызметі.
9 қарашада Қырғызстан парламенті Жээнбековтің премьер-министр болып тағайындалуына дауыс берген болатын. Сооранбай Жээнбековтің кандидатурасын Социал-демократиялық партия, "Қырғызстан" және "Бір бол" фракцияларынан құралған парламенттік коалиция ұсыныс етті. Осылайша, Жээнбеков елдің премьер-министрі қызметтік тағын сақтап қалды. Ол бұл лауазымға сәуірдің ортасында тағайындалған болатын. Жээнбековтің жасы 58-де, үкімет басшысы болып тағайындалғанға дейін республика үкіметінде басшылық лауазымдар атқарды. Ол сонымен қатар Қырғызстанның Социал-демократиялық партиясы саяси кеңесінің мүшесі. Бұл партияның тізгінін президент болып сайланғанға дейін Алмазбек Атамбаев ұстаған болатын.
