Айта кетсек, осы номиналдардағы банкноттарды ауыстыру мерзімі азаматтардың өтінішіне байланысты ұзартылған болатын. Айырбастау тек жеке тұлғалар үшін Ұлттық банктің филиалдарында 2020 жылдың 21 желтоқсанынан бастап 2021 жылдың 1 ақпанына дейін жүргізілді.
Банкноттарды ауыстыруға қатысты өтініштердің көп бөлігі Алматы қаласының (28,2%), Нұр-Сұлтан қаласының (9,5%) және Қарағанды облысының (7,5%) тұрғындарынан түскен.
"Айырбастауға қабылданған купюралардың негізгі үлесі номиналы 2 000 теңгелік (44,1% ) банкнотаға тиесілі болды, одан кейін 5 000 (30,9%) және 10 000 теңгелік (25,0%) банкноттар",– дейді бас банктен.
Ұлттық валютаның қолданыстағы ақша белгілеріне ауыстыру мерзімінің аяқталуына байланысты енді 2006 жылғы үлгідегі аталған номиналдағы банкноттар ел аумағында қабылдауға және айырбастауға жатпайды және төлем құралы болып саналмайды.
