Бұл туралы Ішкі істер министрлігінің өкілі Шұғыла Тұрлыбек мәлімдеді, деп хабарлайды inbusiness.kz.
"Халықаралық тәжірибені зерделеу тұрмыстық зорлық-зомбылықтың алдын алудың пәрменді құралдарының бірі "ODARA" әдіснамасы бойынша қайталама құқық бұзушылықтар жасау тәуекелдерін бағалау және агрессорларға көмек көрсету орталықтарында түзету бағдарламасы курсынан өту болып табылатынын көрсетті", – деді спикер.
Бұл әдіс туралы тұңғыш рет Президент Әкімшілігі Басшысының орынбасары Аида Балаева, Ішкі істер, Еңбек және әлеуметтік қорғау, Ақпарат және қоғамдық даму министрлері, сондай-ақ Бас прокурордың орынбасары қатысқан "Серіктестік - тұрмыстық зорлық-зомбылықтың алдын алу құралы ретінде" форумында айтылды, онда Германия тәжірибесі толық қолдау тапты және тұрмыстық зорлық-зомбылықтың алдын алудың тиімді құралы ретінде бағаланды.
"Форумда бірқатар қалаларда, соның ішінде Алматыда агрессорлармен жұмыс істеудің осы әдісін енгізу туралы шешім қабылданды. Ол бірінші наурызда пилоттық кестеде басталды", – деді ІІМ өкілі.
Алматыда тұрмыстық зорлық-зомбылық тәуекелдерін бағалау бойынша ведомствоаралық топ құру үшін дөңгелек үстел өткізілді. Мүдделі мемлекеттік органдар мен үкіметтік емес сектор қосылды. Тұрмыстық зорлық-зомбылықтың алдын алудың жаңа әдіснамасынан оң нәтиже күтілуде.
