/img/tv1.svg
RU KZ
Жалған дипломмен жұмыс істеп келген 34 мұғалім анықталды

Жалған дипломмен жұмыс істеп келген 34 мұғалім анықталды

Қадағалаушы орган ел аумағында диплом саудалаған 19 интернет парақшасының қызметін тоқтату туралы сотқа арыз берді.

14 Қыркүйек 2019 15:57 1230

Жалған дипломмен жұмыс істеп келген 34 мұғалім анықталды

Білім ордаларында еңбек ететін 34 ақтөбелік мұғалімнің дипломы жоқ боп шықты. Прокурорлық тексеру кезінде олар жалған құжатпен жұмысқа орналасқаны белгілі болды, деп хабарлайды 24.kz.

7-уі арнаулы білім беретін колледждерде, 11-і мектептерде және 13 тәрбиеші балабақша бөбектерімен жұмыс істеген. Тіпті музыкалық колледжде, фортепиано сыныбында біліктілігі құжатпен дәлелденбеген 5 азамат тәлім берген. Қолындарындағы құжатқа сәйкес олар Құдайберген Жұбанов атындағы өңірлік мемлекеттік университетті тәмәмдаған. Алайда прокурорлар бұл жоғары оқу орнында аталмыш мамандарды даярлайтын факультеттің жоқ екендігін айтып отыр.

Сондай-ақ қадағалаушы орган ел аумағында диплом саудалаған 19 интернет парақшасының қызметін тоқтату туралы сотқа арыз берді.

«Талдау нәтижелері бойынша көрнеу, жалған құжаттарды пайдаланғына үшін және осы құжаттарды әзірлеген тұлғаларды анықтау мақсатында материалдар ішкі істер органдарына жолданды. Осымен бірге Ақтөбе қаласы әкімінің атына және білім басқармасы атына заңбұзушылықты жою туралы ұсынулар енгізілді»,– дейді Ақтөбе қаласы алматы ауданы прокурорының орынбасары Бақытжан Ешмағамбетов.

Мемлекет басшысы: Жаңа талаптарға сай мұғалім даярлайтын ЖОО қажет

Мемлекет басшысы мұғалімдерді даярлайтын ЖОО-ларда көбінесе үлгерімі нашар түлектер баратынын атап өтті.

24 Қаңтар 2020 15:08 511

Фото: Серікжан Қобыланбаев

 Мемлекет басшысы Қасым-Жомарт Тоқаев диплом сататын ЖОО-лар туралы айтты, деп хабарлайды ҚазАқпарат.

«Біз мұғалімдердің жалақысын 25 пайызға көтердік. Министрлік білім беру бағдарламаларын жаңартумен, сондай-ақ ЖОО-лардың академиялық дербестігін арттырумен айналысуда. Бизнес пен жұртшылықпен диалог орнатылды. Енді Білім және ғылым министрі мен жергілікті атқарушы органдар осы міндеттерді дұрыс атқаруға тиіс. Қазіргі таңда елімізде білікті ұстаздардың тапшылығы айқын сезіліп отыр. Мамандардың жасы ұлғайған сайын олардың орнын басатын лайықты мұғалімдер жетіспей жатыр. 330 мың мұғалімнің 27 пайызы – зейнет жасын жақындаған немесе жеткен азаматтар», – деді Президент Үкіметтің кеңейтілген отырысында.

Мемлекет басшысы мұғалімдерді даярлайтын ЖОО-ларда көбінесе үлгерімі нашар түлектер баратынын атап өтті.

«Олардан кәсіби деңгейі төмен мамандардың шығатыны осыдан. Мемлекет тарапынан тиісті өкілеттік берілді. Қажетті ресурс бар. Сондықтан, қалыптасқан жағдайды түбегейлі өзгертуіміз керек. Бізге жаңа талаптарға сай мұғалімдерді даярлайтын Жоғары оқу орындары қажет. Диплом сатып, жоғары білімнің беделін түсіретін жекеменшік оқу орындарынан біржола құтылу керек», – деді ол.

«Әжетхана күзетпеген» мұғалімді ұстап әкеткен полицей қызметінен шеттетілді

Ерлан Тұрғымбаевтың бұйрығымен қызметтік тексеру жүріп жатыр.  

15 Желтоқсан 2019 02:11 620

Түркістандағы №15 мектептің мұғалімін әжетхана күзетпегені үшін ұстап әкеткен қалалық полиция бөлімінің бастығы қызметінен шеттетілді, деп хабарлайды ҚазАқпарат облыстық ПД баспасөз қызметіне сілтеме жасап.

«13 желтоқсан күні Түркістан қаласындағы орта мектеп мұғалімін полиция бөліміне жеткізу фактісі бойынша Ішкі істер министрі Ерлан Тұрғымбаевтың бұйрығымен қалалық полиция бөлімінің басшылығына қатысты қызметтік тексеру жүріп жатыр. Тергеу кезінде ішкі істер органдары қызметкерлерінің мұғалімге қатысты іс-әрекетінің қаншалықты заңдылығына баға беріледі. Сондай-ақ, Түркістан қаласы ішкі істер басқармасы бастығының лауазымын асыра пайдалану фактісінің бар-жоғы анықталады», – делінген хабарламада.

Облыстық полиция департаменті басшысының бұйрығымен Түркістан қалалық полиция басқармасы бастығы Данияр Мейірхан қызметтік тексеру аяқталғанға дейін қызметінен шеттетілді.

Еске сала кетейік, Түркістанда Мағжан Жұмабаев атындағы №15 орта мектептің мұғалімі Бақыт Кеукенов «әжетхана күзетпегені үшін» жазықты болған еді. 31 жылдық өтілі бар ұстазды қалалық ішкі істер бөлімінің бастығы, полиция подполковнигі Данияр Мейірхан бастаған бір топ полицей ұстап әкеткен. Мектеп директоры К. Әбдіқадырованың жазуынша, мұғалім аяқ киімінен су өткен соң соны ауыстыру үшін мектеп ғимаратына кірген. Алайда полицейлер қарсылық көрсеткеніне қарамастан ұстаздың қолын қайырып, бөлімшеге әкетіп қалған.

Кейін бұл жағдайды естіген Білім және ғылым министрі Асхат Аймағамбетов мұғалімге араша түсті.

Бүгін мектеп мұғалімін «әжетхана күзетпегені үшін» ұстап әкеткен қалалық полиция бөлімінің бастығы Данияр Мейірхан ұстаздан кешірім сұрады .