Маңғыстау облысында "Ақтау теңіз порты" АЭА" АҚ аумағында құны 871 млн теңге болатын шойын құю зауытын салу жоспарланып отыр, деп хабарлады ЕЭА-ның инвесторлармен жұмыс жөніндегі департамент директоры Әйгерім Молдабекова, деп жазады "Интерфакс-Қазақстан".
"Үстіміздегі жылдың бірінші тоқсанынан бастап АЭА аумағында шойын құю зауытының құрылысы басталады. Зауыттың басты өнімі халық шаруашылығының түрлі салаларына арналған шойын және болаттан жасалған бұйымдар. Зауытта шойын құюдың прогрессивті әдісі – газдандырылған модельдері қолданылады. Зауыттың аумағы 2 гектарды алып жатыр", – деді Әйгерім Молдабекова.
Оның мәліметі бойынша, кәсіпорынның жобалық қуаты жылына 1 мың тонна құйылған бұйым шығаруға қауқарлы.
"Зауыт 2017 жылдың соңында іске қосылады деп жоспарланған", – деп атап өтті Әйгерім Молдабекова.
Қазақтан Республкасы президентінің жарлығымен құрылған "Ақтау теңіз порты" арнайы экономикалық аймағы 2003 жылдың 1 қаңтарынан бері жұмыс істеп келеді. АЭА 2028 жылдың 1 қаңтарына дейін қызмет етеді деп көрсетілген.
