Бүкіләлемдік бокс сериясындағы (WSB) "Астана арландарының" жетінші маусымның бірінші ширек финалдық жекпе-жектері Қарағанды қаласында өтетін болды, деп хабарлайды vesti.kz .
Бұған дейін "Арландар" ширек финалдық жекпе-жекті Алматы қаласындағы "Алматы Арена" спорт кешенінде өткізетіні хабарланған еді. Бірақ бүгін бұл екі команда арасындағы бокс кеші Қарағанды қаласындағы Серік Сәпиев атындағы спорт кешенінде өтетіні белгілі болды.
Еске салайық, "Астана арландарының" ширек финалдағы қарсыластары – "Ресей патриоттары" командасы. Бірінші жекпе-жек 11 мамыр күні Ресейдің Кемерова қаласында өтсе, екінші кездесу 20 мамыр күні Қарағандыда өтеді.
Қос құрама арасындағы бірінші жекпе-жекке қатысатын боксшылардың тізімі:
49 келі: Батор Сагалуев – Теміртас Жүсіпов;
56 келі: Дмитрий Шарафутдинов – Ілияс Сүлейменов;
64 келі: Алексей Мазур – Ділмұрат Мижитов;
75 келі: Андрей Ковальчук – Сапарбай Айдаров;
91 келі: Илья Квасников – Антон Пинчук.
