Бүгін Алматыдағы Балуан Шолақ атындағы спорт сарайында "Alash Pride FC" промоушенінің ұйытқы болуымен аралас жекпе-жектен "Алаш айбары" халықаралық турнирі өтеді.
Турнирде Қазақстан, Грекия, Польша, Ресей, Беларусь, Украина, Әзербайжан және Қырғызстан елдерінің сегізбұрышта сұрыпталған жекпе-жек шеберлері өнер көрсетеді.
Жарысты "Хабар" (Қазақстан), "БОКС tv" (Ресей) телеарналары тікелей таратады.
Жекпе-жекте отандасымыз жартылай ауыр салмақ иесі Асылжан Бақытжанұлы ресейлік Алексей Кисерға қарсы тұрады. Қазақстандық Евгений Егембердиев Ресей азаматы Олег Гренчукпен айқасады. Ержан Естанов беларусь Сергей Синкеевичпен күш сынасады. Ал Шыңғыс Қайранов украиналық Алексей Наумовпен кездеседі.
"Grand prix Kazakhstan" жобасының финалында "Alash Pride FC" тұжырымының чемпиондық белбеуін Ильяр Асханов пен Жасұлан Қарақұлов сарапқа салады.
