/img/tv1.svg
RU KZ
DOW J 22 332,03 FTSE 100 5 603,64
РТС 1 005,88 Hang Seng 23 497,47
KASE 2 224,17 Алтын 1 612,40
Tesla мінілген көліктерін интернет арқылы сата бастады

Tesla мінілген көліктерін интернет арқылы сата бастады

Мінілген көліктер жаңасымен салыстырғанда 15-20 долларға арзан

17 Маусым 2019 12:02 11222

Tesla мінілген көліктерін интернет арқылы сата бастады

Автор:

Компанияның сайтында 2017 және 2018 жылдары шыққан Model 3 көліктері көпшілікке ұсынылды. Мінілген көліктер жаңасымен салыстырғанда 15-20 долларға арзан. Мәселен, Long Range нұсқасының жаңа Model 3-і 62 290 доллар тұрады, ал пайдаланылғаны 40 мың доллар шамасында.

Tesla мінілген көліктеріне де кепілдік беріп отыр.

«Әрбір көлік 70 тексеруден тұратын арнайы инспекциядан өтті. Көліктер 2 жылға және 80 мың шақырымға немесе 4 жылға және 160 мың шақырымға кепілдікпен сатылады», – делінген компанияның сайтында.

inbusiness.kz-ті қараңыз, оқыңыз :

«Суверендік интернет» және басқа бағыт

Ресейде қабылданған ғаламдық желі туралы жаңа заң өзгелерге оп-оңай «жұғысты» болуы мүмкін.    

11 Қараша 2019 15:44 3045

«Суверендік интернет» және басқа бағыт

Сәрсенбі күні жарияланған зерттеу қорытындысына қарағанда, Ресей мың түрлі жекеменшік провайдерлерге аса тиімді интернет-цензура орнату жолында табысқа жетіп отыр.

Зерттеуді Американың Мичиган университетінің ғалымдары жүргізді. Олардың сөзінше, Ресейдің интернетті қадағалау моделі өзге елдерге оп-оңай тарауы мүмкін. Сондықтан Қытай, Иран тәрізді мемлекеттердегі кең ауқымды цензура тәсіліне ешқандай орталыққа бағынбайтын интернет-сервис төтеп бере алады деген тұжырымдаманың өміршеңдігіне қазір күмән туындап отыр.

«Бұл баяндама Ресей интернет-сервис провайдерлері желісінің үстінен қарайтын жоспар құрғанын көрсетіп берді. Егер өзге елдер интернеттегі ақпараттың еркін тасқынына тосқауыл қоямын десе, осы жоспардан үлгі ала алады», – дейді аталған университеттің информатика бойынша жетекші маманы Дж. Халдермен «Ассоушиэйтид пресс» агенттігіне берген сұхбатында.

«Цензураланған планета»

Мичигандық ғалымдар өздерінің зертханасын «Цензураланған планета» деп атапты. Олар жеті жыл бойы қолжетімді мәліметтерді сараптай келіп, Ресей үкіметінің жекеменшік провайдерлерді президент Владимир Путиннің сыншылары мен тәуелсіз жаңалықтар агенттіктері қолданып жүрген онлайн-адрестерге тосқауыл қоюға мәжбүрлеп, осы жұмыста үлкен жетістікке жеткенін анықтап отыр.

Ресейде қабылданған жаңа заңға сәйкес, сайттарға веб-контенттерді сүзгіден өткізетін құрылғы қажет. Ол қазір «аралық жәшіктер» деген атпен көпке танылып келеді. Жіті бақылауға арналған бұл технологияны мемлекет өзі сатып алып, интернет-қызмет көрсетушілерге таратып, іс жүзінде интернет-трафикке тікелей бақылау орнатады. Осы «жәшіктер» Кремль интернет-трафикке кіріп, оны басқара алатындай күйге келтірілуі керек.    

«Үкімет фильтрлегіш жабдықты бақылай отырып, не істегісі келсе, соны істей алады. Ал, азаматтық қоғам мұны мұқият зерттей алмайды. Қытай мен Иранда адамдар интернеттегі әрекеттерінің бұғатталып жатқанын білмейді»,– дейді Ресейдегі интернетті қорғау үкіметтік емес ұйымының қызметкері Александ Исавнин.

Қауіпсіздік пен бақылау

Ресей Федерациясында «суверендік интернет» туралы жаңа заң 1қарашада күшіне енді. Дегенмен жергілікті ақпарат құралдарының хабарлауынша, оны жүзеге асыруға қажетті жабдықтарды толық орнатуға тағы бір жыл қажет болуы мүмкін. Ал, кейбір сарапшылардың пікірінше, бұл ереже нәтижесінде, теріскейіміздегі көрші елде интернеттің сапасы құлдырап кетуі ғажап емес.

«Аралық жәшіктерді» қолдану деңгейі бүкіл әлемде артып келеді. Олардың көп бөлігін АҚШ-тың Cisco Systems және Procera Networks тәрізді компаниялары сатады. Сонымен қатар, мұндай технологияны жеткізумен Ресейдің EcoFilter, VAS, Қытайдың Huawei Technologies және Израильдің Allot Communications. фирмалары айналысады.

Censored Planet ұйымының негізін қалаушы әрі Мичиган университетінің компьютер маманы Роя Энсафидің сөзінше, мұндай «жәшіктерді» небәрі 8000 долларға табуға болады. Оны Құрама Штаттардың телекоммуникациялық компаниялары мен кәсіпорындары клиенттердің интернеттегі мінез-құлқын сараптау үшін және қолданушыларды фишингтік шабуылдардан (электрондық поштамен келетін күмәнді хаттардан) қорғау мақсатында пайдаланады. 

Халдерманның пікірінше, «аралық жәшіктерді» екі бағытта – қауіпсіздікке және ақпарат алуды жіті бақылауға қолдануға болады. 

РФ үкіметінің мәлімдеуінше, «суверендік интернет» туралы заң Ресейді сыртқы күштер ғаламдық желіден ажыратып тастаған жағдайда интернеттің үздіксіз жұмысын қамтамасыз етуге және АҚШ-тың кибершабуылдарынан қорғануға қажет.

«Инженерлікпен шектелмей...»

Сәрсенбі күні жарық көрген зерттеуге ресейлік мамандар да атсалысқан. Олар Ресейдегі интернет-провайдерлердің контентіне тосқауыл қою жұмыстарын жеті жыл бойы бақылады. Ал, «Роскомнадзордың» дерегінше, 2019 жылдың сәуіріне дейін 132 798 интернет-домен бұғатталған. Солардың 63%-ы – орыс тілінде, 28 %-ы – ағылшынша.    

Энсафиге оралсақ, оны Үндістан, Индонезия, Португалия, Ұлыбританиядағы орталықсыздандырылған интернет-сервистің жағдайы да алаңдатып отыр. Оксфорд университетінің зерттеулеріне сәйкес, Ресейде сатылатын фильтрлеуші жабдықтар Беларусь, Украина тәрізді бұрынғы кеңестік республикалар мен одан тысқары елдерге - Алжирге, Кубаға, Мексикаға да тарала бастаған.

Ұлыбритания мұндай технологияны балаларға қарсы сексуалдық зорлық-зомбылықтар туралы сайттарды жабуға үкіметтің сұранысы бойынша,  қолданып отыр.

Демек, «аралық жәшіктердің» бағдарламасын өзгертіп, қауіпті немесе қажетсіз деген кез-келген контентке қарсы пайдалануға болады. Бірақ осындай икемділігінің арқасында бұл технология кейбір елдерде мемлекеттік цензураның құралына айналып кетті. Сондықтан зерттеушілер интернет-провайдерлер үшін аппараттық және бағдарламалық қамтамасыз ету жүйесін жасайтын инженерлерді өздерінің оқшауланған әлемінен бір мезгіл шығып, саясаттан тым алшақтамауға шақырып отыр.

«Сіздер тек инженерлікпен шектелмей, шынайы дүниеде атқарған істеріңіздің зардабын түсінуге де тиіссіздер», – дейді Халдерман.

Арыс Әділбек

Шағын ауылдар интернет желісіне қосылады

«Цифрлық Қазақстан» мемлекеттік бағдарламасы жүзеге асуда. 

28 Қазан 2019 11:24 7013

Шағын ауылдар интернет желісіне қосылады

Қазіргі кезде елімізде 117 қала мен 3 324 ауылда кең жолақты интернет қолжетімді. Қазақстан 2018 жылы әлемдік рейтингте ұялы байланыс абоненттері бойынша 21-орынға ие болды. Қазақстанда интернет пайдаланушылар саны 2018 жылы 81,3%-ды құрады және әлемдік рейтингте Қазақстан 45–орынға ие болды. Келесі кезекте – шағын ауылдарды талшықты-оптикалық желі, 3G және 4G желілерімен қамту. 

Осы орайда, Үкіметтік сағатында «Цифрлық Қазақстан» мемлекеттік бағдарламасын іске асыруда Қазақстанда халық саны 250 адамнан асатын елдімекендердің интернетке қол жеткізуін қамтамасыз ету талқыланды. Цифрлық даму, инновациялар және аэроғарыш өнеркәсібі министрі Асқар  Жұмағалиев ауылдық жерлерді кең жолақты интернетпен қамтуды жалғастыру үшін 2018-2022 жылдар арасында талшықты-оптикалық және LTE (4G) желілерін кезең-кезеңмен салу жоспарланып жатқандығын айтты.

«Бірінші кезең – талшықты-оптикалық желілерді салу. Жобаны іске асыру 1250 ауылдық елдімекенде жоғары жылдамдықты интернет қызметтерін ұсынуға мүмкіндік береді. 2019 жылдың бірінші жартыжылдығындағы жағдай бойынша талшықты-оптикалық желілер 83 ауылдық елдімекенде   іске қосылды. Оның ішінде 85 денсаулық сақтау және 76 білім беру нысандары бар. 2019 жылдың аяғына дейін 685 ауыл интернет желісіне қосылады, ал 2020 жылы қалған 509 ауылды ғаламторға қосу жоспарлануда. Екінші кезең – LTE (4G) стандартындағы мобильді желілерді 2020-2022 жылдарда дамыту арқылы 3143 ауылды интернетпен қамту жоспарлануда»,  –деді Асқар  Жұмағалиев.

Цифрлық даму, инновациялар және аэроғарыш өнеркәсібі министрінің айтуынша, осы аталған жобаларды іске асыру аясында 2020 жылдың аяғына дейін тұрғындарының саны 250-ден асатын 880 ауыл кең жолақты Интернет желісімен қамтылады. Сондай-ақ жоба аясында халық саны одан да аз елдімекен тұрғындарына да ғаламтор қолжетімді болатынын хабарлады.

«Сонымен қатар ары қарай тұрғындардың саны 50-ден жоғары 885 ауылды интернет желісіне қосу жоспарлануда. Қорытындысы бойынша 2022 жылдың соңына дейін 5089 ауылдық елдімекен интернет желісіне қосылады. Ал қалған ауылдарға спутниктік байланыс арқылы интернет желісін ұйымдастырудың техникалық мүмкіндігі қамтамасыз етіледі. Осы орайда ауылдық елдімекендерді интернет желісіне қосу Ұлттық экономика министрлігімен жасалған перспективті ауылдар тізіміне сәйкес орындалатын болады»,  –деді министр.

Нұржан Көшкін

inbusiness.kz-ті қараңыз, оқыңыз :

Жаңалықтарға жазылу: