"Екінші деңгейлі банктердің шығыны таза кірістен 102,1 млрд теңгеге асып кетті", деп хабарлайды Ұлттық банк.
Бас банктің 2019 жылдың қаңтар-ақпан айларына жасаған қорытындысында елдегі банк секторының жиынтық активтері жыл басынан бері 2,6% азайып, 2019 жылғы 1 наурызда 24 578 млрд теңгені құраса, жиынтық меншікті капиталы 2019 жылғы ақпанда 1,0%-ға азайып, 2 991,9 млрд теңге болды.
Активтердің құрылымында ең көп үлес кредиттерге – 48,3%, бағалы қағаздар портфеліне – 21,9%, қолма-қол ақша, аффинирленген бағалы металдар мен корреспонденттік шоттарға – 15,0% тиесілі.
Банк секторының жиынтық міндеттемелерінің мөлшері 2019 жылғы 1 наурыздағы жағдай бойынша 21 586,1 млрд теңгені (2019 жылдың басынан бастап азаю 2,9%) құрады. Банктер міндеттемелерінің құрылымында ең жоғары үлесті клиенттердің салымдары – 78,5%-ды, айналысқа шығарылған бағалы қағаздар – 8,0%-ды, басқа банктерден және банк операцияларының жекелеген түрлерін жүзеге асыратын ұйымдардан алынған қарыздар – 2,5%-ды иеленеді.
Депозит дағдарысы
Резиденттердің депозиттік ұйымдардағы депозиттерінің көлемі бір айда 8,6%-ға қысқара отырып, 2019 жылғы ақпанның соңында 17 585,8 млрд теңгені құрады.
Заңды тұлғалардың депозиттері 9 148,3 млрд теңгеге дейін 14,6%-ға төмендесе, жеке тұлғалардың депозиттері 8 437,6 млрд теңгеге дейін 1,0%-ға азайды.
Ұлттық валютамен депозиттердің көлемі бір айда 9 917,5 млрд теңгеге дейін 7,4%- ға қысқарды, шетел валютасында 7 668,4 млрд теңгеге дейін 10,2%-ға төмендеді. Долларлану деңгейі 2019 жылғы ақпанның соңында 43,6%-ды (2018 жылғы желтоқсанда - 48,4%-ды) құрады.
Заңды тұлғалардың ұлттық валютамен депозиттері 2019 жылғы ақпанда 5 262,2 млрд теңгеге дейін 13,7%-ға, шетел валютасында 3 886,1 млрд теңгеге дейін 15,9%-ға төмендеді.
Жеке тұлғалардың теңгемен депозиттері 4 655,3 млрд теңгеге дейін 1,0%-ға ұлғайды, шетел валютасында 3 782,3 млрд теңгеге дейін 3,4%-ға төмендеді.
Кредит нарығының драйвері – қарыз алған халық
Банктердің экономиканы кредиттеу көлемі 2019 жылғы ақпанның соңында 12 489,3 млрд теңгені құрады. Бұл өткен айдағыдан 0,2%-ға артық.
Заңды тұлғаларға кредиттердің көлемі 7 132,6 млрд теңгеге дейін 0,3%-ға азайды, ал жеке тұлғаларға кредиттер көлемі 5 356,7 млрд теңгеге дейін 0,7 %-ға ұлғайды.
Ұлттық валютамен берілген кредиттердің көлемі бір айда 10 011,6 млрд теңгеге дейін 1,1%- ға ұлғайды. Олардың құрылымында заңды тұлғаларға кредиттер 1,4%-ға, ал жеке тұлғаларға кредиттер 0,9 %-ға ұлғайды.
Шетел валютасымен кредиттердің көлемі 2 477,7 млрд теңгеге дейін 3,6%-ға азайды. Олардың құрылымында заңды тұлғаларға кредиттер 3,5%-ға, ал жеке тұлғаларға кредиттер 5,8%-ға азайды. Теңгемен кредиттердің үлес салмағы 2019 жылғы ақпанның соңында 80,2%-ды құрады.
Шағын кәсіпкерлік субъектілерін кредиттеу бір айда 0,9%-ға азайды.
Салалар бойынша бөлінген банктердің экономикаға кредиттерінің ең қомақты сомасы өнеркәсіп (жалпы көлемдегі үлесі – 15,6%), сауда (13,8%), құрылыс (5,9%), көлік (4,0%) және ауыл шаруашылығы (1,8%) сияқты салаларға тиесілі.
Бауыржан Мұқан
