Алматыда көшпенділер салт-дәстүрінің халықаралық этнофестивалі өтті
«Боралдай» сақ қорғаны археологиялық паркі екі күн бойы халыққа толы болды. «Ұлы дала – көшпенділері әлемі» фестивалі өтіп жатқан жерге халық ағылып келді.
Жыл сайын өтетін фестивальға әлемнің 18 елінен жүз елуге жуық әнші, спортшы және көшпенділер мәдениетінің әуесқойлары қатысты. Алматылықтар мен қала қонақтары батырлар мен жауынгерлердің шайқасын көріп, жаяу және атты садақ атушылардың мергендігін бағалап, қолөнершілердің туындысын тамашалай алды.
Үлкен сахнада этноансамбльдер мен халық әнін орындаушылар кезек-кезек өнер көрсетті. Күнінің ыстығына қарамастан, көрермендер әлемнің әр елінен келген әртістердің өнерін тамашалады.
Алматыдағы этнофестивальға басқа елден келгендер – ежелгі мәдениет пен салт-дәстүрге қызығушылық танытушы адамдар. Юнус Абдуллаев Дағыстаннан келген. Мамандығы – тексеруші. Оның қызығушылығы ат үстінде садақ ату.
Запорожье казактарының тарихы мен дәстүрі көшенділерге жақын болмаса да, фестивальға Украинадан да әртістер қуана келді. Садақ атушылар арасында Тарас Бульба деген жалған атқа ие болған Олег Григорьев қамшы ұстау мен садақ атудан шеберлік-сағатын өткізді.
Алматы қаласының мәдениет басқармасының басшысы Нұрлан Сыдықов өткен этномәдениет фестивалінің мақсаты – көшпелі халықтың ежелгі мәдениетін қалыпқа келтіру, келер ұрпақ үшін тарихты сақтап, жеткізу.
Максим Морозов
