Мұндай жұмыс мегаполистегі шағын дүкендердің жартысына жуығында жүргізілді, деп жазды inbusiness.kz.
Бұл туралы Алматы қаласының тыныс-тіршілігін қалпына келтіру жөніндегі қалалық штаб отырысында шаһар әкімінің орынбасары Мақсат Қиқымов мәлім етті.
Алматыда барлығы 3 583 В, С санатты азық-түлік дүкені жұмыс істейді: Алатау ауданында – 500 дүкен, Алмалы ауданында – 395, Әуезов ауданында – 605, Бостандық ауданында – 488, Жетісу ауданында – 400, Медеу ауданында – 325, Наурызбай ауданында – 350, Түрксіб ауданында – 525 дүкен бар.
"Қала әкімдігі аудандық әкімдіктермен және "Nur Otan" партиясының өкілдерімен бірлесіп күн сайын 1 773 дүкенде әлеуметтік маңызды тауарлар бағасының негізсіз өсуіне жол бермеу бойынша мониторинг жүргізеді. Бұл жалпы санының жартысына жуығын құрайды. Мониторинг қорытындысы бойынша 7 ауданның (Түрксіб ауданынан басқа) 61 дүкенінде ӘМАТ бағасының негізсіз өсу фактілері анықталды", – деді спикер.
Мақсат Қиқымовтың айтуынша, профилактикалық жұмыстардың нәтижесінде азық-түлік тауарларының келесі түрлерінің бағасы төмендеді: күнбағыс майы 15%-ға (920-дан 780 тг/л); сүт өнімдері 5%-ға (айран 315-тен 300 тг/л, сүт 295-тен 280 тг/л); әлеуметтік нан 10%-ға (100-ден 90 тг/л); 1 сұрыпты ұн 10,2%-ға (245-тен 220 тг/кг-ға дейін); 6,2% (490-дан 460 тг/ондыққа дейін); қант 5,7%-ға (350-ден 330 тг/кг-ға дейін).
"Қалған 1 810 дүкен бойынша жұмыс биылғы жылдың қаңтар айының соңына дейін жүргізіледі. Мониторинг бойынша жұмыс тұрақты негізде жалғасады", – деп атап өтті қала басшысының орынбасары.
Құралай Құдайберген
