Integrity Shop жобасы (адалдық дүкендері) Қазақстан Республикасы президентінің жанындағы мемлекеттік басқару академиясы және М. Нәрікбаев атындағы ҚазМЗУ-да жұмысын бастады, деп хабарлайды елорда әкімдігінің ресми сайты.
"Дүкенде студент өзіне қажетті сомаға тауар жинап, сол соманы касса тәрізді арнайы жәшікте қалдырады", – деп мәлімдеді мемлекеттік қызмет істері агенттігі мен сыбайлас жемқорлыққа қарсы агенттік.
Осындай механизм Скандинавия елдерінде он жылдан бері сәтті қолданылып келеді.
"Мұндай дүкендерді енгізу жастар арасында адалдық пен адамгершілік сияқты оңтайлы моральдық қасиеттерді қалыптастыруға бағытталған. Мұндай қасиеттер сыбайлас жемқорлықтың алдын алады", – делінген хабарламада.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
