16 маусымда ШҚО Аягөз ауданында кешкі сағат 18.30-да жойқын жел тұрғын үйлер мен ғимараттардың шатырын ұшырып әкетті. 19 екіқабатты тұрғын үйге, 72 бірқабатты үйге, 4 мектеп, 1 балабақша мен 1 орталық аудандық ауруханаға қатты зақым келген.
Ағаштардың құлауынан электр желілері үзіліп, 9138 абонент жарықсыз қалды. Қазір осы өңірде апаттан құтқарушы бригада жұмыс істеп жатыр.
"Дауылдан 7 адам түрлі деңгейде жарақат алған. Олардың барлығына медициналық көмек көрсетілді, 1 адам қазір ауруханада жатыр. Жергілікті атқарушы органдардың комиссиясы қирап қалған ғимараттардың саны мен оларға қаншалықты зақым келгенін анықтап жатыр", – деп жазылған хабарламада.
Табиғат Нұрболат
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
