Мұндай шешімге тәуелсіз халықаралық ұйымдардың Израиль адам құқықтары мен халықаралық гуманитарлық құқықты бұзып отырғаны туралы бұрын жариялаған баяндамалары негіз болған, деп хабарлайды inbusiness.kz сайты DPA-ға сілтеме жасап.
Ведомство сондай-ақ Еуроодақ бас дипломатының ауызша жарияланған бастамасы 18 қарашада өтетін ЕО-ға мүше елдер сыртқы істер министрлерінің келесі отырысында талқыланатынын хабарлайды.
Израильмен саяси диалог 2000 жылы жасалған Қауымдастық туралы келісіммен реттеледі. Сонымен қатар, тараптар арасындағы қарым-қатынастар адам құқықтары мен демократия принциптерін құрметтеуге негізделеді.
Бірнеше ай бұрын Испания мен Ирландия Еуропалық Одақ пен Израиль арасындағы серіктестік туралы келісімді мұқият зерделеуді ұсынды, деп атап өтті агенттік. Бірқатар дипломаттар институционалдық саяси диалогты тоқтату Қауымдастық туралы келісімнің өзін тоқтатуды білдірмейтінін атап көрсетеді. Алайда, бүкіл осы уақыт ішінде Израиль үкіметімен осы мәселелер бойынша қандай да бір кездесу ұйымдастыру туралы келісімге қол жеткізілмеді.
Боррельдің диалогты тоқтату туралы ұсынысы бірауыздан мақұлдануы екіталай, деп болжайды dpa, Венгрия мен Чехия сияқты елдердің осы уақытқа дейін Израильді жақтап келгенін ескеру керек. Дегенмен, ЕО шенеуніктері Еуроодақтың бас дипломатының айтуынша, мүше елдер арасындағы талқылау ғана Израильге оның Газа секторындағы әрекеттеріне жауап ретінде нақты саяси сигнал бере алатынын атап өтті.
