Еуропалық Одақ Украинаның соғыстан зардап шеккен экономикасын қолдау үшін 35 миллиард еуро көлемінде несие берудің бұрын-соңды болмаған жоспарын қабылдады, деп жазады inbusiness.kz сайты.
Бұл мәміле G7 одақтастарының Киевке 45 миллиард еуроны (50 миллиард доллар) мүмкіндігінше тезірек беру жөніндегі кең ауқымды бастамасының бір бөлігі. Украина электр желісін бұзып, әскери қорының тапшылығына әкелген ресейлік шабуылды тоқтатуға барын салып жатыр.
ЕО шенеуніктерінің айтуынша, 35 миллиард еуро "бағытсыз" әрі "мақсатыз" болады, яғни Украина үкіметі қаражатты қалай жұмсайтынындарын өздері шешеді.
Сәрсенбіде Брюссельдегі елшілер қол жеткізген келісім Венгрия 5 қарашада Америка Құрама Штаттары өзінің келесі президентін сайлағанға дейін ЕО-ның санкциялық режиміндегі негізгі өзгеріске тосқауыл қоятынын растағаннан бір күн өткен соң жасалды. Украинаға берілген несие батыс қаржы институттарының шоттарында бұғатталған ресейлік активтерден пайыздар есебінен қамтамасыз етілуі керек еді, алайда Венгрияның Ресейге қарсы санкцияны ұзартуға рұқсат бермеуіне байланысты жоба іске аспауы әбден мүмкін.
G7 жоспары бойынша ресейлік активтерден түскен пайда әрбір одақтас Украинаға несие беретін соманы біртіндеп өтеуге жұмсалуы керек болған, Будапешт шешімін өзгертпесе, Еуропалық Одақ шотты өзі төлеуі керек болады.
Бастапқыда ЕО мен АҚШ несиенің тең үлестерін – әрқайсысы 18 миллиард еуро (20 миллиард доллар) береді деп болжанған, бірақ Вашингтоннан нақты хабар болмауы Брюссельді өз үлесін 35 миллиард еуроға дейін күрт арттыруға мәжбүр етті.
Егер АҚШ, Канада, Ұлыбритания мен Жапония көбірек үлес қосса, блоктың үлесі азаюы мүмкін. G7-ге кірмейтін Австралия да қолғабыс болуы ықтимал.
Еуропарламент ратификациялауды талап ететін сәрсенбі күнгі келісім ЕО-ның жыл соңына дейін миллиардтаған үлесін жинауына жол ашады.
Алайда Венгрияның санкциялар режимін өзгертуден бас тартуы G7 деңгейінде соңғы шешімнің қабылдануын бәсеңдетуі мүмкін.
Егер санкция 36 айға дейін ұзартылса, АҚШ көбірек ақша ұсынады деп күтілуде. Бұл ұсыныс енді Вашингтонның мерзімін ұзарту жөніндегі идеалды мақсатына сәйкес келмейді, сондықтан Будапешттің кешігуі келіссөздерге көмектесуі екіталай.
