Мұндай жағдайлар барлық салаларда тіркелген, деп хабарлайды inbusiness.kz.
Кибершабуылдар көбінесе мемлекеттік органдарға (41%), IT-компанияларға (15%) және қаржы институттарына (13%) әсер еткен. Барлық анықталған сыни оқиғалардың үштен бірі (30%) - күрделі мақсатты шабуылдар. Төрттен бір бөлігі (23%)- зиянды БҚ-ның, соның ішінде бопсалау бағдарламаларының күшті шабуылдары. 9% жағдайда зиянкестер әлеуметтік инженерия әдістерінің көмегімен корпоративтік IT-инфрақұрылымға қолжетімділікке ие болған.
Оқиғалардың басым көпшілігіне (72%) орташа күрделілік деңгейі берілді. Яғни олар активтердің өнімділігіне әсер етуі мүмкін.
"Біздің мәліметтеріміз мақсатты шабуылдардың өте кең таралғанын көрсетеді: оларға бүкіл әлемдегі ұйымдардың төрттен бір бөлігі (27%) тап болды. Жақсы жаңалық, компаниялар бұл қауіптер туралы біледі және Red Teaming сияқты корпоративті периметрдің қауіпсіздік деңгейін бағалауға көмектесетін қызметтер сияқты қарсы шараларды қолданады. Сондай-ақ олар киберқауіпсіздік бойынша мамандарға жүгінеді", - дейді "Kaspersk"-дің киберқауіпсіздік мониторингі орталығының жетекшісі Сергей Солдатов.
Аян Бекенұлы
