Сәуле Айтпаеваның сөзінше, балалар медиациясының жұмысына өңірдің құрметті азаматтары, еңбек ардагерлері, мәслихат депутаттары қатысуы керек. Себебі, балалардың құқықтарын қорғау туралы заңдар, орталық деңгейде қабылданған шаралар жергілікті жерлерде орындалмайды.
"Екі айдың ішінде бала құқықтары жөніндегі уәкілге 80-нен астам өтініш келіп түсті. Өтініштердің дені отбасылық мәселелерге арналған. Атап айтқанда, алимент төлеу, отбасы мүшелерінің құқықтық мәртебесі, бала тәрбиелеудегі ережелер, денсаулық сақтау мен білімге қатысты мәселелерді қамтиды", – деді Сәуле Айтпаева "Үкімет үйінде" өткен баспасөз мәслихатында.
Оның айтуынша, көп жағдайда тұрғындардың заңды құқығы мен мүддесін түсіндіруге міндетті жергілікті органдар жерге қаратып жатады.
Фархат Әміренов
