Қазақстан соңғы 10 жылда темекіге қарсы күрес процесінде белгілі жетістіктерге қол жеткізді. Бұл туралы ҚР денсаулық сақтау вице-министрі Алексей Цой айтты, деп хабарлайды министрліктің баспасөз қызметі.
"ДДҰ деректері бойынша әлемде шамамен мерзімімен бұрын орын алатын өлімнің 80% -ы төрт анағұрлым кең тараған қауіп факторларымен байланысты – темекі шегу және ішімдік ішу, дұрыс тамақтанбау және аз физикалық белсенділік. Осыған орай ҚР денсаулық сақтау министрлігі халық денсаулығына қауіп төндіретін мінез-құлық факторларының әсерін төмендететін шараларды іске асырады", - дейді ол.
Оған қоса, вице-министр Қазақстанда жарнамада тыйым салу практикасы енгізілгенін, ауруханаларды, жұмыс орындарын, мектептерді, қоғамдық көлікті қоса алғандағы қоғамдық объектілер темекі түтінінен 100% -ға арылғанын, темекі өніміне салынатын салық бөлшектеп саудалау құнының 40%-ын құрайтынын, темекіні тастау тілегін білдірген адамдарға тегін негізде МСАК деңгейінде қызметтер (темекіге қарсы орталықтар) көрсетілетінін атап өтті.
Сондай-ақ ол Дүниежүзілік банктің сарапшылары ұсынған алдыңғы қатарлы тәжірибе денсаулық үшін құрамында қант, тұз, трансмайлар деңгейі жоғары өнімдердің, алкоголь және темекі өнімдерінің "зиянды" әсерін азайтуда қосымша шаралар қабылдауды растайтынын хабарлады.
