/img/1920х100.png
/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 400,36 Brent 36,55
Коронавирус жұқтырған Мишустин жұмысына кірісті

Коронавирус жұқтырған Мишустин жұмысына кірісті

Ал Путиннің баспасөз хатшысы әлі емделіп жатыр. 

19 Мамыр 2020 17:09 151

Коронавирус жұқтырған Мишустин жұмысына кірісті

Ресей президенті Владимир Путин премьердің жұмысына қатысты құжатқа қол қойды. Covid-19 инфекциясына шалдыққан РФ премьер-министрі Михаил Мишустин өз қызметіне оралды. Бұл туралы ТАСС басылымы хабарлады.

Осы күнге дейін оның міндеттерін үкімет басшысының бірінші орынбасары Андрей Белоусов атқарған еді. Мишустин премьерлік жұмысын енді өзі атқаратыны туралы құжат Кремль сайтында жарияланды.

Үкімет басшысы осыған дейін аурухана ішінен бірнеше рет видео конференция форматында жиын өткізген болатын. Бұрын оның аурудан жазылып келе жатқаны және жақын күндері ауруханадан шығарылатыны жарияланған еді. 

Еске сала кетсек, Мишустиннен кейін Ресей үкіметінің  үш мүшесі коронавирус жұқтырды – Құрылыс министрі Владимир Якушев, Мәдениет министрі Ольга Любимова, Білім және ғылым министрлігінің басшысы Валерий Фальков. 

Ал 12 мамырда Путиннің баспасөз хатшысы Дмитрий Песков дертке шалдығып, ауруханаға жатқызылған еді. Сол кезде ол президентпен бір ай бұрын кездескенін мәлім еткен болатын. 

Джонс Хопкинс Университетінің соңғы мәліметіне сүйенсек, Ресейдегі науқастардың саны 300 мыңға жеткен. Оның 2837-сі қайтыс болды. Бұл ел вирус жұқтыру көрсеткіші бойынша АҚШ-тан кейін екінші орында. 

Табиғат Нұрболат

Фото: tass.ru

Ресей вирус жұқтыру көрсеткіші бойынша екінші орында

Covid-19 құрбандарының саны 2100-ден асты.  

12 Мамыр 2020 18:07 168

Ресей вирус жұқтыру көрсеткіші бойынша екінші орында

Ресейде осы күнге дейін 232 мыңдай адамның коронавирус жұқтырғаны тіркелді. Джонс Хопкинс Университетінің мәліметіне сүйенсек, көрші ел ауруға шалдыққандар саны бойынша екінші орынға табан тіреді. Бірінші орында – АҚШ мемлекеті. Ондағы науқастардың саны 1,3 миллионнан асқан. Ал 224 мың жұқтыру фактісі тіркелген Испания үшінші орында.

Ескере кететін жайт, 11 мамырда РФ-ның президенті Владимир Путин ел аумағында демалыс күндерінің аяқталғанын жариялады. Енді әр өңір шектеу шараларын қысқарту туралы шешімді өз бетімен қабылдайды. Мәскеу қаласында 12 мамырдан бастап құрылыс және өнеркәсіптік кәсіпорындар жұмысын бастады. Тұрғындар қоғамдық орындарда міндетті түрде маска киіп жүруге міндеттелді. Ережеге бағынбағандарға 4 мың, не одан көп мөлшерде айыппұл салынады.

Індет кең етек жайған елдердің қатарында аталған елдерден бөлек Италия, Франция, Германия, Бразилия, Түркия, Иран және Қытай бар. Дүниежүзілік денсаулық сақтау ұйымының дерегінше, әлемде коронавирус инфекциясына шалдыққандардың саны 4 миллионнан асып, оның 278 мыңы жазылған.

Табиғат Нұрболат

Ресейлік ғалымдар коронавирусқа қарсы 3 вакцинаны жариялады

Олар «Триазивирин», «Фавипиравир», «Фортепренд» атты вакциналарды ұсынып отыр.

30 Наурыз 2020 14:21 259

Ресейлік ғалымдар коронавирусқа қарсы 3 вакцинаны жариялады

Фото: РИА Новости

Ресейдегі ғылым академиясының мамандары Covid-19 деп аталатын коронавирусқа инфекцияға қарсы 3 вакцинаны жариялады. Бұл туралы академияның вице-президенті Владимир Чехонин мәлім етті.

«Триазивирин» деп аталатын вирусқа қарсы препаратты академияның Постовской атындағы бөлімінің мамандары бірнеше жыл бұрын жасаған. Чехониннің айтуынша, қазіргі таңда оның ингаляциялық түрі дайын және оны вирустық респираторлы инфекция ауруларын емдеуге қазірден бастап қолдануға болады.

Ал екінші вакцина – «Фавипиравир» деп аталатын препаратты бұрын Жапония ғалымдары РНҚ вирустары ауруларын емдеу үшін жасап шығарған.

Үшінші вакцина – «Фортепренді» Органикалық химия институты мен Ұлттық эпидемиология және микробиология орталығы бірлесе жасаған. Дәрінің құрамында коронавирус жұқтырған жануарларды емдеуге қолданылатын фоспренил бар.

Бұған дейін елдегі Федералды медико-биологиялық агенттік Covid-19 инфекциясын емдеуге арналған «Мефлохин» (малярияға қарсы дәрі) негізінде жасалған препаратты таныстырды. Агенттік басшысы Вероника Скворцованың айтуынша, бұл дәрі коронавирустың цитопатиялық әсерін тежеп, оның қайта көбеюін болдырмайды. Сонымен қатар қабыну процесінің өршуін басады.

Табиғат Нұрболат