Мәулен Әшімбаев исі мұсылманды Құрбан айт мейрамымен құттықтады

Мәулен Әшімбаев исі мұсылманды Құрбан айт мейрамымен құттықтады

20 Шілде 2021 11:35 448

Мәулен Әшімбаев исі мұсылманды Құрбан айт мейрамымен құттықтады
Қазақстан Республикасы Парламенті Сенатының Төрағасы Мәулен Әшімбаев Фейсбук әлеуметтік желісінде Құрбан айт мейрамымен құттықтады, деп хабарлайды inbusiness.kz порталы.   

«Құрметті достар! Баршаңызды қасиетті Құрбан айт мейрамымен құттықтаймын! Құрбан айт адамзатты имандылыққа, қайырымдылыққа және ізгілікке үндейді. Осы күндерде барша мұсылман қауымы Алла жолында құрбандық шалып, мұқтаж жандарға қол ұшын созып, көмек көрсетуге асығады. Мұндай игі амалдар елдің ырыс-ынтымағын арттырып, өзара келісім мен түсіністікті нығайта түседі» делінген құттықтауда.

Парламенті Сенатының Төрағасы биыл да бүкіл әлем қасиетті мерекені күрделі кезеңде қарсы алуға мәжбүр болып отырғаны айта келе: «Осы ретте бұл індетті тоқтату үшін карантин талаптарын сақтап, вакцина ектірудің маңызы зор. Іске асырылып жатқан шаралардың негізінде осы індеттен көп ұзамай құтыламыз деп сенеміз. Ұлық мерекемен құттықтай отырып, елімізге амандық, жерімізге тыныштық, әр шаңыраққа шаттық тілеймін! Шалған құрбандықтарыңыз бен ниеттеріңіз қабыл болсын! Айттан айтқа аман-есен жете берейік!» - деді.

 

166353

Ұқсас материалдар:

sofya-berulceva-tokiodagy-algashky-aserimen-bolisti

shko-da-zhol-apatynan-tort-adam-koz-zhumdy

elimizde-4-895-174-adam-ekpe-aldy

uchaskelik-inspektorlar-men-olardyn-komekshilerine-otemaky-tolenip-zhatyr

rustem-bigari-kr-bilim-zhane-gylym-vice-ministri-kyzmetinen-bosatyldy

загрузка

×