Армения Ұлттық Жиналысының ғимаратында қазір полицияның үлкен күштері шоғырланған. Тәртіп сақшылары Парламент ғимаратына қызметтік кіреберіс орналасқан Демирчян көшесіне апаратын жолды жауып тастады. Заң шығарушы органның кезекті төрт күндік сессиясы бүгін жалғасуы керек, деп хабарлайды жергілікті БАҚ.
Өткен түнде мыңдаған стихиялық көтерілістерге қатысқан азаматтар премьер-министр Никол Пашинянның тез арада отставкаға кетуін талап етіп, таңертең Ұлттық жиналыс қақпасының алдына жинала бастады. Олардың көпшілігі Парламенттің ішінде кешке дейін қалып, депутаттардан Үкімет басшысына сенімсіздік білдіруді сұрады.
Өйткені импичмент процесін бастау үшін парламент өкілдерінің үштен бірі (36 адам) қол қою қажет, ал оппозициялық парламенттік фракциялардың екеуінде де 35 депутат бар. Ал импичмент қабылдануы үшін 54 депутаттың дауысы қажет.
"Армения" оппозициялық фракциясының депутаты Арам Вардеванян жиналғандарға екі фракцияның 35 депутаты – "Армения" мен "Честь имею" – Пашинянды қызметінен шеттету туралы мәтінге қол қойғанын және "Азаматтық шарт" билеуші партиясы фракциясының кемінде 18 мүшесінің қолдары қойылғаннан кейін олар импичмент рәсімін бастайтынын хабарлады.
Халықтың наразылығы өткен сәрсенбіде Никол Пашинян Парламенттегі Үкімет сағатында ол кейіннен сатқындық жасады деп айыпталуы мүмкін құжатқа қол қоюға ниетті екенін айтқаннан кейін басталды. Ереванда сол сәтте ереуілдер басталды. Кейін Үкімет басшысы Әзірбайжанмен құжатқа қол қою туралы ақпаратты жоққа шығарып, тікелей эфирде түсініктеме берді. Оның айтуынша, мұндай келісім жобасы да жоқ. Алайда стихиялық ереуілдер 15 қыркүйекке қараған түні де жалғасын тапты.
Динара Мұрат
