Биылғы жылдың бірінші тоқсанының қорытындылары бойынша елге 2,1 мың адам келді, бұл бір жыл бұрынғыдан 51,6%-ға төмен. Ал 5,5 мың адам елден кетті, бұл өткен жылмен салыстырғанда 24,9% аз, деп хабарлайды inbusiness.kz finprom.kz-ке сілтеме жасап
Қазақстанға келгендердің ішінде 1,6 мың адам еңбекке жарамды азаматтар. Алайда елден одан да көп, яғни, 4 мың жұмысқа қабілетті адам кетті. Сондай-ақ, елге 15 жасқа дейінгі 204 бала келді, ал осы жастағы 1,3 мың адам Қазақстаннан кетті.
Келушілердің арасынан 204 адам жұмыс мақсатымен, 11-і оқуға байланысты келді. Оқудан шығарылғандардың ішінде 301 адам жұмысқа аттанды, 53-і білім адуға кетті.
Айта кететіні, 2020 жылдың дәл осы кезеңінде 7,3 мың адам елден кетіп, 4,3 мың адам келген еді.
Шетелге кеткендердің 82%-ы ТМД елдеріне аттанған. Олардың саны 4,5 мың адам шамасында. Бұл өткен жылмен салыстырғанда 31,2%-ға аз. Оның ішінде 4,4 мың адам Ресейге кеткен. Сондай-ақ қазақстандықтар жиі баратын бағыттардың қатарында Өзбекстан мен Беларусь бар.
Тиісінше, Қазақстаннан көшкендердің 18% -ы немесе 995 адам әлемнің басқа елдеріне кетті, бұл бір жыл бұрынғыдан 30,2% артық. Оның ішінде 745 адам Германияға барған. Қазақстандықтар таңдаған бағыттардың қатарына Израиль мен Польша да бар.
Ал елімізге ТМД мемлекеттерінен 1,7 мың адам келді, бұл өткен жылмен салыстырғанда 43,6% -ға аз. Оның ішінде 851 адам – Ресейден, 518 адам – Өзбекстаннан, 125 адам – Қырғызстаннан келген.
ТМД-ға кірмейтін әлемнің басқа елдерінен 350 адам келді – бұл бір жыл бұрынғыдан 3,5 есе аз. Олар көбінесе Қытай, Түркия және Ауғанстаннан келгендер.
Құралай Құдайберген
