/img/tv1.svg
RU KZ
KASE 2 209,51 FTSE 100 5 415,50
РТС 1 049,88 DOW J 21 056,82
Hang Seng 23 493,21 Бидай 557,20
Шымкентте мемлекеттік мекеме басшысы бас бостандығынан айырылды

Шымкентте мемлекеттік мекеме басшысы бас бостандығынан айырылды

Ол 300 мың теңге көлемінде пара алғаны үшін күдікті болған.

26 Наурыз 2020 18:00 69

Шымкентте мемлекеттік мекеме басшысы бас бостандығынан айырылды

Сыбайлас жемқорлыққа қарсы іс-қимыл агенттігінде өткен брифингте агенттіктің бірінші департаментінің аға тергеушісі Данияр Биғайдаров өткен аптада әшкереленген кейбір сыбайлас жемқорлық фактілерін айтып өтті.

«Шымкент қаласының мәдениет, тілдерді дамыту және мұрағат басқармасы» мемлекеттік мекемесінің басшысы Е.Б. Үмбетке коммерциялық семинар өткізуге «Шымкент Цирк» МҚК залын жалға алуда цирк кассасына іс жүзінде қаражат төлеместен, қосымша уақыт бөлуге жәрдемдескені үшін кәсіпорын өкілінен 300 мың теңге көлемінде пара алғаны үшін күдікті болды. Биылғы жылдың 19 наурызда Шымкент қаласының Қаратау аудандық сотының үкімімен Е.Б. Үмбет 4,5 жылға бас бостандығынан айырылды. Сондай-ақ, ол өмір бойына мемлекеттік қызметте қызмет атқару құқығынан да айырылды», – деді аға тергеуші.

Нұржан Көшкін

inbusiness.kz-ті қараңыз, оқыңыз :

Кәсіпкерлердің IV республикалық форумы басталды

2020 жылға арналған жол картасына қол қойылады. 

27 Ақпан 2020 11:28 218

Кәсіпкерлердің IV республикалық форумы басталды

«Атамекен» ұлттық кәсіпкерлер палатасы мен сыбайлас жемқорлыққа қарсы іс-қимыл агенттігі бірлесіп өткізіп жатқан жиында палата мен агенттіктің былтыр қабылдаған жол картасы аясында атқарған жұмыстарының  қорытындысы жарияланады. Сонымен қатар «Сатып алулардың бірыңғай терезесі» (eoz.kz) порталының жұмыс істеу нәтижесі мен мемлекеттік органдардың барлық деректер базасымен біріктірілген кәсіпкерлік субъектілерінің бизнес-тізілімін құру туралы есеп беріледі.

Басқосу барысында сыбайлас жемқорлыққа қарсы іс-қимыл агенттігінің төрағасы Алик Шпекбаев, «Атамекен» ұлттық кәсіпкерлер палатасы басқарма төрағасы орынбасарының міндетін атқарушы Ербол  Өстеміров баяндама жасайды. 

Шара шеңберінде «Атамекен» ұлттық кәсіпкерлер палатасы мен сыбайлас жемқорлыққа қарсы іс-қимыл агенттігінің басшылары ынтымақтастық туралы келісімді жүзеге асырудың 2020 жылға арналған жол картасына қол қояды. 

Қанат Махамбет

Бас бухгалтер бас бостандығынан айырылды

Ол бюджет қаражатын карталық шотына аударды деп айыпталды.

20 Ақпан 2020 16:07 144

Бас бухгалтер бас бостандығынан айырылды

Шығыс Қазақстан облыстық ауруханасының бас бухгалтері 92 млн 500 мың теңгені қолды қылғаны үшін 7 жылға сотталды. 

Сыбайлас жемқорлыққа қарсы іс-қимыл агенттігінің 1-департаментінің аға тергеушісі Данияр Бекайдаровтың мәлімдеуінше, бұрын денсаулық сақтау басқармасының Шемонаиха орталық аудандық ауруханасының бас бухгалтері болған О. Десюпова 92,5 млн теңге көлеміндегі бюджет қаражатын өзінің карталық шотына аударған. 

«Шығыс Қазақстан облысы Шемонаиха аудандық сотының үкімімен О. Десюпова 7 жылға бас бостандығынан, сондай-ақ мемлекеттік қызметте қызмет атқару құқығынан айырылды», – деді аға тергеуші.

Қанат Махамбет 

Жаңалықтарға жазылу: