/img/tv1.svg
RU KZ
DOW J 21 078,72 Hang Seng 23 076,46
FTSE 100 5 429,34 РТС 987,75
KASE 2 212,62 Brent 24,87
Трамп «Құдай сыйы» деп атаған препараттың ағзаға тигізетін жанама әсері де көп

Трамп «Құдай сыйы» деп атаған препараттың ағзаға тигізетін жанама әсері де көп

Қазір көптеген елдер гидроксихлорохин мен хлорохин деп аталатын препараттардың қолжетімділігін қамтамасыз етуде. Олардың құрамындағы хинин бұрыннан бері малярия дертіне қарсы қолданылып келеді.   

27 Наурыз 2020 15:03 450

Трамп «Құдай сыйы» деп атаған препараттың ағзаға тигізетін жанама әсері де көп

France24 басылымының дерегінше, Франция мен Қытай ғалымдары бұған дейін осы препараттармен коронавирус жұқтырғандарды емдегенде, жақсы нәтижелер болған екен. Жақында ғана АҚШ президенті Дональд Трамп бұл дәрілерді «Құдай сыйы» деп атаған болатын. Десе де, кей  сарапшылар нақты зерттеулер аяқталмайынша, оларды қолданғанда сақ болу керектігін айтуда.  

Ақпан айында 134 қытайлық науқас осы препараттардың көмегімен емделгенде, аурудың асқынуы тежелгені анықталған. Бірақ бұл зерттеулердің нәтижелері әзірге ресми түрде жарияланбады. Қытайдың респираторлық аурулар жөніндегі маманы Чжун Наньшаньның айтуынша, деректер жақын арада жария етілмек. 

АҚШ-тағы Ұлттық денсаулық институтының маманы Энтони Фаучи болса, бұл препараттардың ауруды құлантаза жазып шығаратынына күмәнмен қарап отыр. Ол тек санаулы қытайлықтарға жүргізілген зерттеулердің жеткіліксіз екенін тілге тиек етті. Фаучидің мәліметі бойынша, осы айда 30 қытайлыққа жүргізілген сараптама нәтижесінде HCQ яғни гидроксихлорохиннің айтарлықтай тиімді еместігі анықталған көрінеді. Препараттың тиімділігі төсекте жату, сұйықтық ішу сияқты симптомдарды басу үшін жүргізілетін медициналық шаралардан артық болмаған. 

Хлорохиннің ағзаға тигізетін жанама әсері орасан. Мысалы, осы аптада АҚШ-тың Аризона штатының 60 жастағы тұрғыны осы препаратты ішіп, ажал құшқан. Хлорохинді ішкен оның әйелі болса, қазір ауыр халде жатыр. Екеуі коронавирусты жұқтырудың алдын алу мақсатында осы дәріні қабылдаған екен. 

Негізі, жер бетіндегі адамдардың 1 пайызы осы препаратты қабылдағанда талып қалуы, дерттерінің қозуы, жүрек ырғағы ауытқығандардың сол бойда жан тапсыруы мүмкін. Сондықтан дәрігерлер адамдарды бұл препаратты нұсқаулықсыз қабылдамауға шақыруда. 

Ескере кететін жайт, қазір бірнеше елде аталған препаратты зерттеу жұмыстары жүріп жатыр. Құрама Штаттарда сынақтар осы аптада басталған. Ал Италияда 2000 адамның ағзасына бұл дәрілер енгізіліп, ғылыми сараптамалар өткізілуде. 

Табиғат Нұрболат

inbusiness.kz-ті қараңыз, оқыңыз :

Тілектес Бәрпібаевқа қатысты тексеру амалдары басталды

Жоғарғы соттың комиссиясы Тілектес Бәрпібаевтың сот этикасын сақтаған-сақтамағанын тексеріп жатыр. 

27 Наурыз 2020 11:49 65

Тілектес Бәрпібаевқа қатысты тексеру амалдары басталды

Нұр-Сұлтан қаласының жемқорлыққа қарсы қызметі мен ҚР Жоғарғы соты елордалық соттың төрағасы Тілектес Бәрпібаевқа қатысты тексеру амалдарын бастады. Бұл туралы сыбайлас жемқорлықпен күрес агенттігінің баспасөз қызметіне сілтемемен Интерфакс-Қазақстан хабарлайды.

«Тексеру нәтижесі көрсеткендей, жеке ұшақты Тілектес Бәрпібаевтың туысы болып табылатын кәсіпкер Германияда медициналық операция жүргізу мақсатында жалға алған», – деп жазылған ресми мәлімдемеде. 

Қазір Жоғарғы соттың комиссиясы Тілектес Бәрпібаевтың сот этикасын сақтау-сақтамауын тексеріп жатыр. Соның қорытындысы бойынша шешім қабылданады. 

Бұған дейін хабарланғандай, Германиядан Алматыға бортында экипажды қоса санағанда 12 адам бар ұшақ ұшып келген болатын. Әуежайға қонған бойда коронавирус жұқтырған 12 жастағы жолаушы қыз ауруханаға жатқызылған еді. 
БАҚ дерегі бойынша, ұшақ бортында елордалық соттың төрағасы Тілектес Бәрпібаевтың туыстары болған. Бұл ұшақ тұрақты рейс жасамаған, біреудің меншігі көрінеді. 

Табиғат Нұрболат

ДСҰ: Бұл жолғы дағдарыстың салдары 2008 жылдағыдан да ауыр болады

Ұйым басшысы Роберту Азеведу пандемия салдарына қатысты болжамын айтты.

26 Наурыз 2020 14:34 52

 ДСҰ: Бұл жолғы дағдарыстың салдары 2008 жылдағыдан да ауыр болады

Оның сөзінше, құлдыраумен қатар жұмыс орындарының қысқаруы 2008 жылғы рецессиядан да көбірек болмақ. 

«Бұл пандемияның экономикаға тигізер залалы көп. Салдары 12 жыл бұрынғы дағдарыстан да жойқын болайын деп тұр», – деді Азеведу.

Ол әлем елдерін коронавируспен күресте бірлесе жұмыс істеп, экономиканың тұрақталуына атсалысуға шақырды. Бұған дейін Халықаралық валюта қоры да пандемия жаһандық рецессияға әкеліп соғатынын мәлім еткен болатын. 

Ескере кететін жайт, 26 наурызда G20 елдері көшбасшыларының саммиті видео конференция форматында өтетін болды. Жиында тараптар жаңа коронавирус пандемиясымен күрес жайын талқыламақ.  

Табиғат Нұрболат

Жаңалықтарға жазылу: