/img/tv1.svg
RU KZ
Учаскелік инспектор сотталды

Учаскелік инспектор сотталды

Үш жастағы баланы өлтірген сотталушыны ұстауда қателік жіберген полиция қызметкері жазаланды. 

08 Тамыз 2020 17:48 334

Учаскелік инспектор сотталды

Баланы өлтірген қылмыскерді ұстау барысында жұмысына салғырттық танытқан учаскелік инспектор сотталды. Еске сала кетсек, Шет ауданына қарасты Бұрма ауылында бұрын істі болған  Игентай Сопыжанов танысының үш жастағы ұлын өлтірген. Баланың анасы қайғылы оқиғаның алдында Игентай Сопыжановтың өзін қорқытқанын әрі ұрып соққаны жөнінде учаскелік инспекторға хабарлаған. Инспектор баланың анасы Ника Васильеваның жазған шағымын кеш тіркеген. Сонымен қатар Сопыжановқа Никаға тиіспеу жайында ескерту жасаған. Осыдан кейін Сопыжанов Никадан шағымын қайтып алуын талап еткен. Ең соңында ол  Никаның үш жасар баласын тартып әкетіп, өлтіріп тастаған болатын. 

«Учаскелік инспектор бала жоғалған алғашқы уақытта тұрғындармен бірге басшылыққа хабар берместен өзі іздеген. Баланы босату үшін Сопыжановқа қоңырау шалған. Алдында баланың анасы көмек сұрағанда оның шағымын полиция бөлімінде кеш тіркеген. Оның бұл әрекеттері Максим Гарифуллиннің өміріне қауіп төндірген»,- деп мәлімдеді үкім оқыған судья Амантай Абдыкамалов.

Сот шешімімен учаскелік инспектордың 4 жылға бостандығы шектелді.  Сондай ақ оған үш жыл мерзімінде мемлекеттік  және өзін- өзі басқару органдарында жұмыс жасауға тыйым салынады. Участкелік инспектор әкімшілік белгілеген жерде 100 сағат бойы жұмыс жасайды, әрі зардап шеккен тарапқа  10 айлық есептік көрсеткіш көлемінде қаражат төлейді.

Үш жасар сәбидің өмірін қиған Игентай Сопыжанов өмір бойы бас бостандығынан айрылған болатын.

Арайлым Еркебаева 
 

Бала зорлауға қатысы бар оқушы бас бостандығынан айырылды

Халық арасында дүрбелең туғызған оқиғада 4 жеткіншек күдікті деп танылған еді. Олардың үшеуі 14-жасқа толмағандықтан жазадан босатылған.

11 Қаңтар 2019 11:03 842

Түркістан облысы Абай ауылында бала зорлады деп айыпталған жасөспірімге қатысты сот үкім шығарды.

Халық арасында дүрбелең туғызған оқиғада 4 жеткіншек күдікті деп танылған еді. Олардың үшеуі 14-жасқа толмағандықтан жазадан босатылған. Сот алдында 16 жастағы айыпталушы ғана жауап берді. Ол кінәлі деп танылып, 7 жыл бас бостандығынан айыру жазасына кесілді.

Өткен жылдың 26-шы қыркүйегінде басталған сот отырыс жабық есік жағдайында өтті.

Еске сала кетсек, атышулы оқиғаға қатысты аудандық полиция бөлімінің басшысы мен мектеп инспекторы жұмыстан босатылып, бірқатар жауапты тұлғаға сөгіс жарияланған еді.

Журналистің өліміне қатысты айыпталған лифтерге қатысты сот үкімі өзгерді

Апелляциялық шағымнан соң механик Жарылқасын Ақжановтың жазасы бас бостандығын шектеумен алмастырылған.

28 Желтоқсан 2018 18:08 479

Ақтөбеде көпқабатты үйдегі лифтіде жергілікті тұрғын Айзат Әбдісамат мерт болған соң, 4 жылға сотталған лифтер-механик Жарылқасын Ақжановқа шыққан үкім өзгерді, деп хабарлайды  aktobenews.kz.

«Апелляциялық шағымнан соң механик Жарылқасын Ақжановтың жазасы бас бостандығын шектеумен алмастырылған. Апелляциялық алқа қаулысы 27 желтоқсан күні күшіне енді», – деп хабарлады облыстық сот.

Биыл 19 қазан күнгі қалалық сот үкіміне сай кісі өлімі болған көпқабатты үйге жауапты «Жаңабек -Сервис» пәтер иелері кооперативінің төрағасы Кенен Жаңабеков 4 жылға шартты түрде сотталған.

Судья үкім шығарарда «Жаңабеков кінәсін мойындап, жәбірленуші тараптан кешірім сұрағанын, моральдық шығындарын өтегені ескерілгенін» айтқан.

Ал жалдамалы меxаник Жарылқасын Ақжанов 4 жылға сотталып, сот залынан қамауға алынған еді. Бірақ Ақжанов жарыссөзде өзін кінәсіз санайтынын мәлімдеген және сот үкімімен келіспеген. Кейін апелляциялық шағым түсірген.

Қайғылы оқиға Ақтөбе қаласындағы 12-ықшамауданындағы он қабатты №19 үйдің 2-подъезінде биыл 4 сәуір кешкі сағат тоғыздар шамасында болған. Үйдің алтыншы қабатында тұратын жергілікті телеарна журналисі Айзат Әбдісамат лифтіде қысылып қалып, қаза тапқан еді.