2021 жылдың қаңтар-шілде айларында елімізде дәнді дақылдардан 1,8 млн тонна ұн мен ұсақ қоспалар өндірілді, бұл өткен жылмен салыстырғанда 3,7%-ға аз, деп хабарлайды inbusiness.kz тілшісі energyprom.kz-ке сілтеме жасап.
Аймақтар бойынша ұнның көп бөлігі дәстүрлі түрде Қостанай облысында өндірілді: 587,3 мың тонна (жылына 7,8% артты). Алдыңғы қатарлы үш аймаққа Шымкент (189,1 мың тонна, - 17,4%) мен Солтүстік Қазақстан облысы (176,1 мың тонна, + 3%) кіреді.
2020 жылы сектордағы өндіріс көлемі 3,4 млн тоннаға жетті, бұл бір жыл бұрынғы көрсеткіштен 2,6%-ға артық.
Өнімнің көп бөлігі бидай ұны: 92,8%, немесе 1,7 млн тонна, бұл өткен жылмен салыстырғанда 3,3%-ға аз.
Сондай -ақ, нан өнімдерін дайындау үшін 120,5 мың тонна қоспалар (-7,3%), 7 мың тонна ұсақ және ірі ұн (-18%) және дәнді дақылдардан 3,7 мың тонна ұсақ ұн (бидайд қоспағанда -18,1%) әзірленді.
Қазақстан нарығында биылғы жылдың тамызында бірінші сұрыпты бидайдың бір келісі бөлшек саудада 183 теңгені, жоғары сұрыпты – 253 теңгені құрады.
Елдің ірі қалалары арасында бірінші сұрыпты ұнның ең жоғары бағасы Ақтау (келісі 256 теңге), Нұр-Сұлтан (келісі 237 теңге) және Алматыда (келісі 236 теңге) тіркелді. Ал ең төменгі баға Ақтөбеде ( келісі 128 теңге).
Жылдық динамикада ұн бағасы 11,1%-ға өсті. Мұны Жамбыл (23,4%) және Солтүстік Қазақстан (21,3%) облыстарының тұрғындары, сондай -ақ алматылықтар (17,3%) қатты сезінді. Биыл бағаның өсуі еліміздің барлық аймақтарында тіркелді. Жыл бойы ең аз баға өсімі Батыс Қазақстан облысында тіркелді (+0,9%).
Құралай Құдайберген
