Vesti.kz порталы Бүкіләлемдік бокс сериясының (WSB) жетінші маусымындағы топтық кезеңде "Астана арландары" мен "Қытай айдаһарлары" арасында өтетін жекпе-жектерді онлайн көрсетеді.
Қос команда арасындағы кездесу 22 сәуір күні Қытайдың Санья қаласында өтеді. Жекпе-жектер Астана уақытымен 17:30-да басталады. Роман Кушпелов пен Уәлихан Қосанбай кездесуді орыс және қазақ тілдерінде жүргізеді.
Егер бұл кездесуде елордалық клуб қарсыластарынан үстем түсетін болса, С тобында бірінші орынмен плей-офф кезеңіне өтеді. Қазіргі уақытта біздің команда 13 ұпаймен өз тобында бірінші орында тұрса, екінші орындағы "Өзбек жолбарыстарының" еншісінде 9 ұпай бар.
Айта кетейік, қос клуб арасындағы алғашқы кездесуде қазақ боксшылары 5:0 есебімен жеңіске жеткен еді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
