/img/tv1.svg
RU KZ
DOW J 21 921,63 Hang Seng 23 076,46
FTSE 100 5 454,19 РТС 987,29
KASE 2 212,62 Brent 25,22
Коронавирус: әлем бойынша 26 наурыздағы соңғы жаңалықтар

Коронавирус: әлем бойынша 26 наурыздағы соңғы жаңалықтар

Соңғы мәлімет бойынша, барлық елдердегі вирус жұқтырғандардың саны 460 мыңнан асып кеткен.  

26 Наурыз 2020 12:02 1022

Коронавирус: әлем бойынша 26 наурыздағы соңғы жаңалықтар

Автор:

Табиғат Нұрболат

G7 елдері Дүниежүзілік денсаулық ұйымына коронавирус салдарымен күресте қаржылай көмегін бермек. Ал G20 елдері көшбасшыларының саммиті видео конференция форматында 26 наурызда өтетін болды.

Жиында жаңа коронавирус пандемиясы талқыланбақ.  Соңғы мәлімет бойынша, барлық елдегі вирус жұқтырғандардың саны 460 мыңнан асып кеткен. 

Коменданттық сағат енгізген елдер: Албания, Германия (Миттертайх қаласы), Грекия, Сербия, Францияның бірқатар қалалары, Сенегал, ОАР, Эквадордың бірқатар провинцияларында, Египет, Иордания, Ирак, Кувейт,Мавритания, Палестина, Сауд Арабиясы, Тунис, Шри-Ланка.

Қаза тапқандар мен жұқтырғандар 

Қытайда осы күнге дейін вирусты 81898 адам жұқтырған. Оның 3287-сі қаза тапқан (төртеуі Гонконгта, екеуі Тайваньда). 73795 кісі аурудан айыққан. Басқа елдерде вирус жұқтырғандардың саны 380 мыңнан асқан. Вирус әлемнің 160-тан астам еліне таралып кеткен. 

Қазақстандағы жағдай

Елімізде 109 адамның коронавирус жұқтырғаны ресми түрде тіркелді. Оның екеуі аурудан айыққан. Науқастардың 40-ы Алматыда, 61-і Нұр-Сұлтанда, 2-еуі Қарағандыда, 1-еуі Алматы облысында, тағы 1-еуі Ақтөбе облысында, 2-еуі Шымкентте, 1-еуі Солтүстік Қазақстан облысында, 1-еуі Жамбыл облысында. 16 наурыздан бастап Қазақстанда төтенше жағдай режимі жарияланды. Ол 15 сәуірге дейін жалғасады. Ал 19 наурыздан бастап осы екі қала карантинге жабылды.

Басқа елдердегі жағдай

АҚШ Сенаты пандемияға байланысты экономиканы ынталандыру мақсатында 2 трлн доллар бөлу туралы заң қабылдады. Енді құжатқа Дональд Трамп қол қойып, өкілдер палатасы мақұлдауға тиіс. Жалпы, елдегі науқастардың саны 60000-нан, қаза тапқандардыкі 809-дан асты. 

Ресейде вирус жұқтырғандардың саны 658-ге жетіп, адам қайтыс болды. 29 кісі аурудан айыққан. 90 мыңдай тұрғын қазір дәрігерлердің бақылауында. Індеттің таралуын тежеу мақсатында ел президенті Владимир Путин келесі аптаны демалыс деп жариялады. Демалыс 28 наурыздан бастап 5 сәуірге дейін жалғаспақ. Жергілікті билік 18 наурыз бен 1 мамыр аралығында шетелдіктердің елге келуіне шектеу қойды.

Қырғызстан астанасы Бішкек қаласында 25 наурыздан бастап коменданттық сағат енгізілді. Елдегі науқастардың саны 44-ке жеткен. 19 наурыздан бастап жергілікті билік шетелдіктердің елге кіруіне тыйым салды. 

Өзбекстандағы аурулардың саны 60-қа жеткен.  Ел астанасы Ташкент пен Наманған қаласы карантинге жабылды. 

Оңтүстік Кореяда ауруға шалдыққандардың саны 9241-ден асып, 131 кісі қаза тапқан. Бұл ел эпидемиологиялық қауіптің ең жоғарғы деңгейін жариялады. Әсіресе, Тэгу қаласы мен Кенсан-Пукто провинциясының үш қаласы апат аймағы деп жарияланды. 

Италияда науқастардың саны 74386-дан асты, оның 7503-і қаза тапқан. Жергілікті биліктің карантин режимін бұзғандарға 400-3000 еуро көлемінде айыппұл салмақ.Бұл елде вирустан қаза табу фактілері күрт көбейе түскен. 30 мың науқас Ломбардияда тіркелген, мұндағы ауруханаларда орын тапшы.  

Британияда аурулардың саны 9529-ға жетіп,оның шамамен 463-і ажал құшты. Ел парламенті 21 сәуірге дейін жұмысын тоқтатты. 

Мексикада вирусты жұқтырғандардың саны 475-ке жетіп, 6 адам қайтыс болған. 

Польшада науқастардың саны 1031-ге жетіп, 14 адам қайтыс болды. Жергілікті билік шекараны жауып, елге келушілерді 14 күндік карантинге жатқызып жатыр. 27 наурыздан бастап парламент депутаттары қашықтықтан жұмыс істеуге көшеді. Нақтырақ айтқанда, отырысқа тек санаулы заң шығарушы қатысса, қалғандары қашықтықтан бақылайтын болады.

11 наурызда Дүниежүзілік денсаулық сақтау ұйымы жаңа коронавирус індетін пандемия деп таныған болатын. Қазір ұйым ауру симптомдары жасырын адамдардан вирустың қалай жұққанын зерттеп жатыр. 

Табиғат Нұрболат

inbusiness.kz-ті қараңыз, оқыңыз :

Төтенше жағдай: Дәурен Абаевтың 1 сәуірдегі ахуал туралы мәліметі

 Коронавируспен күреске 23 млрд теңгеден астам қаржы кеткен. 

01 Сәуір 2020 16:57 699

Төтенше жағдай: Дәурен Абаевтың 1 сәуірдегі ахуал туралы мәліметі

Бүгінге дейін Үкімет резерві коронавируспен күреске 3 траншпен 23 млрд теңгеден астам қаржы бөлген. Ал көмекке мұқтаж тұрғындарға көмек көрсету үшін құрылған Birgemiz қорына халық 13 млрд теңге аударған. Кезекті онлайн-брифингте Ақпарат және қоғамдық даму министрі Дәурен Абаев осы мәліметтер төңірегінде әңгіме өрбітті.

Дәурен Абаевтың айтуынша, карантиндік шектеулерді тоқтатуға әлі ерте

«Қазір карантинді ұзарту туралы айту ерте. Ешкім 2 апта бұрын эпидемиялық жағдайдың қалай болатынын нақты айта алмайды. Бірақ біз барлығына дайын болуымыз керек. Кеше айтылған барлық шара – жағдай күрделеніп кетсе де, тыныштық пен тұрақтылықты сақтау кепілі. Ол үшін бізде қажетті шарттардың барлығы жасалған. Мемлекет басшысы тапсырмасының нақты жұмыс жоспары және Ұлттық қордан жиналған қаражат бар», – деді министр. 

Ведомство басшысы төтенше жағдай кезінде «Даму» қоры арқылы сыйақы мөлшерлемесін субсидиялауға  берілген өтініштер қысқа мерзімде қаралатынын жеткізді.

«Қазіргі таңда «Даму» кәсіпкерлікті қолдау қоры жобаларды қараудың оңтайландырылған форматына көшіп жатыр. Шешімдер жеке-жеке емес, бір уақытта қабылданады. Бұл бағыт бойынша 30 сәуірге дейін 3,5 млрд теңгенің 71 жобасы қолдау таппақ. Сондай-ақ, сыйақы мөлшерлемесін субсидиялау мерзімін 5 күннен бір күнге қысқарту шешімі қаралуда. Қазірдің өзінде 56 млрд теңгенің 250 жобасы мақұлданды. Ал кепілдендіру құралын өзгерту мерзімі 6 сағатқа қысқартылды. Бұл бағытта қор 37 жобаны мақұлдады», – деді Дәурен Абаев. 

Әлеуметтің әлсіз топтары мен атаулы әлеуметтік көмек алушылар, ресми тіркелген жұмыссыздар несиесін 3 айға шегерту үшін банктерге өтініш жазбаса да болады. Онлайн-брифинг арсында осындай мәлімет те айтылды.

«Қаржы нарығын реттеу және дамыту жөніндегі агенттіктің қаулысы күшіне енгенін тағы да атап өткіміз келеді. Атап айтқанда, жеке тұлғалар үшін банк және микрокредит төлемдерінің мерзімі 3 айға шегерілді. Бұл ретте айыппұл мен өсім болмайды. Бұл шегеру халықтың әлеуметтік осал топтарына, атаулы әлеуметтік көмек алушыларға, ресми тіркелген жұмыссыздарға беріледі. Оған ешқандай тексеру жүргізу, дәлелдеу немесе өтініш  берудің керегі жоқ. Сонымен қатар, осындай көмек төтенше жағдай салдарынан табысынан айрылған кәсіпкерлерге де көрсетіледі», – деді ведомство басшысы кезекті тікелей эфирде. 

Министрдің сөзіне сенсек, Birgemiz қорынан көмек алатын адамдардың тізімі жасалып жатыр. 

«Бүгінде Birgemiz қорына 13 млрд теңге түсті. Қаржылық ашықтықты қамтамасыз ету үшін барлық өңірде қордың өкілдіктері ашылды. Сонымен бірге қордың сайты да іске қосылды. Ол жерде келіп түскен қаражат пен шығындар жарияланады. Тіпті түбіртектерге дейін көрсетіледі. Қазір әр өңірде көмекке мұқтаж адамдардың тізімі жасалып жатыр. Олардың бәрі жақын уақытта қордан көмек алады», – деді министр. 
Тікеле эфир үстінде Дәурен Абаев коронавируспен күреске Үкімет резервінен қанша қаржы жұмсалғанын айтты.  

«Коронавируспен қарсы күреске тікелей бөлінген қаржы туралы көп сауалдар түсіп жатыр. Бұл жерде дағдарысқа қарсы шаралар туралы айтып отырған жоқпын. Коронавируспен күреске  Үкіметтік резрвтен үш рет ақша бөлінді. Бірінші траншпен 29 қаңтарда 1 млрд 609 млн теңге бөлінген. 21 ақпанда коронавируспен күреске  қосымша 428 млн 227 мың теңге бөлінді. Үшінші рет 25 наурыз күні 20 млрд 430 млн 635 мың теңге бөлді. Бұл қаражат дәрі-дәрмек, медициналық бұйымдар мен зертханалық қондырғылар алуға, маска, қолғап, қорғаныс костюмдері мен тест-жүйелерін сатып алуға жұмсалды. Сондай-ақ, шұғыл медицинаны ұлттық үйлестіру орталығына азаматтарды эвакуациялауға, мамандарды жабдықтауға, залалсыздандыру құралдарын алуға берілді», – деп түйіндеді ол. 

Есжан Ботақара

Бас санитарлық дәрігер жаңа қаулымен таныстырады

Айжан Есмағамбетова эпидемиологиялық ахуалға байланысты тың мәлімет берді. 

01 Сәуір 2020 15:32 568

Бас санитарлық дәрігер жаңа қаулымен таныстырады

 

Мемлекеттік бас санитарлық дәрігер Айжан Есмағамбетова еліміздегі коронавирустық жағдайға байланысты жаңадан қабылданған қаулымен таныстырады. Қаулыда коронавирус инфекциясынан қайтыс болғандарды жерлеу тәртібі, медицина қызметкерлерінің коронавирус жұқтыру себебіне байланысты қабылданған шаралар және шетелден келушілерге медициналық бақылау күшейтілгені айтылған.

Бас санитарлық дәрігер жаңа қабылдаған қаулыда медицина қызметкерлерінің инфекциялық қауіпсіздігі жөнінде шаралар қарастырылғанын айтты. Індетке шалдыққандар медицина қызметкерлері Нұр-Сұлтан, Қарағанды, Алматы қалаларында қызмет істейді.

«Өкінішке қарай, бүгінгі күні Нұр-Сұлтан, Қарағанды, Алматы қалаларында медицина қызметкерлері ауруға шалдықты. Қаулыда медицина қызметкерлерінің жұмысының сипаты мен қауіптілігіне байланысты инфекциялық қауіпсіздік шаралары мен жеке қорғаныс құралдарына қойылатын талаптар қарастырылды», – деді бас санитарлық дәрігер.

Айжан Есмағамбетованың мәліметінше, коронавирустен қайтыс болғандарды жерлеу тәртібі бекітілді. Бұдан былай коронавирус індетінен қайтыс болған адаммен қоштасуға 30 минуттан артық уақыт берілмейді.

«Коронавирус инфекциясынан қайтыс болғандарды жерлеу алгоритмін қаулымен бекіттім. Қайтыс болғандардың мәйітін жарып-ашуға, туысқандарына беруге болмайды. Қайтыс болған адаммен қоштасуға 30 минуттан артық уақыт берілмейді. Қоштасу кезінде ең жақын туыстары мен бір діни қызметкер денеден үш метрден астам қашықтықта тұрады. Тәнді жерлеу санитарлық-эпидемиологиялық қызмет пен жергілікті атқарушы органдардың бақылауында, эпидемияға қарсы шараларды сақтай отырып жүргізіледі», – деп түсіндірді бас санитарлық дәрігер.

Айжан Есмағамбетова жаңа қабылдаған қаулысында шетелден келушілер үшін медициналық тексеру шаралары күшейтілетінін айтты. Әуе рейстерімен келетін адамдар зертханалық зерттеулер үшін 3 тәулікке дейін оқшауланады.

«Қаулыға сәйкес, елімізге әуе рейстері арқылы келетін адамдар зертханалық зерттеулер үшін 3 тәулікке дейін оқшауланады. Зертханалық зерттеулер теріс нәтиже көрсеткен жағдайда, 14 тәулікке үй карантиніне алынады. Ал оң нәтиже көрсер болса, ол адамдар инфекциялық стационарға жатқызылады. Бұл нормалар әуе рейстерінің ұшқыштарына, халықаралық тасымалдаушы автокөліктердің жүргізушілеріне және Қазақстан аумағына кіретін теміржолшыларға қатысты емес. Ол адамдар өздерінің негізгі тұрғылықты жерінде бақылауда болады», – деп айтып өтті бас санитарлық дәрігер.

Сонымен қатар, дипломаттар және олардың отбасы мүшелерін коронавирустық инфекцияға міндетті түрде тексеру туралы норма енгізілді.

«ЕАЭО және Өзбекстаннан автожол және теміржол көлігімен келген азаматтар міндетті түрде 14 күндік үй карантиніне алынады. Сыртқы істер министрлігімен келісім бойынша, дипломаттар және олардың отбасы мүшелерін коронавирустық инфекцияға міндетті түрде тексеру туралы норма енгізілді. Тексеру кезде теріс нәтиже көрсетілсе, ол адамдар 13 күнге үй карантинінде болады. Карантин бүгінгі күні тараған індеттің алдын-алудың негізгі шарасы. Үй карантинінде отырған адамдардың денсаулығын бақылау үшін олардың карантин режимін ұстанып отырғанына мониторинг жүргізу үшін денсаулық сақтау министрлігі мобильді қосымша жасады. Ол қосымша арқылы мониторинг жасауға болады», – деді Айжан Есмағамбетова.

Нұржан Көшкін

inbusiness.kz-ті қараңыз, оқыңыз :

Жаңалықтарға жазылу: