/img/tv1.svg
RU KZ
Hang Seng 23 372,43 KASE 2 155,58
РТС 955,34 FTSE 100 5 510,33
DOW J 21 641,19 Өнеркәсібі 1 552,50
Теңгенің нығаюуы

Теңгенің нығаюуы

KASE мәліметіне сәйкес өткен аптада валюта нарығы оң динамиканы көрсетіп, теңге нығайды

08 Тамыз 2016 16:32 4554

Теңгенің нығаюуы

Автор:

Валюта нарығы: Резервтер есебінен өсу
KASE валюталық нарығы 1 тамыз бен 5 тамыз аралығында бұның алдындағы мұнай бағасының төмендеуі мен ресейлік рубльдің ұлттық валютаға қысым жасаған аптасымен салыстырғанда оң динамиканы көрсетті. АҚШ доллары бағамы бір күн ішінде 3,14 тиынға төмендеп, аптаның соңында бір доллар үшін 348,99 теңгені құрады. Ресейдің рублі 2 тиынға артып, бір рубль үшін 5,34 теңге болды. Қытайлық юань 0,54 теңгеге арзандап, бір юань үшін 52,49 теңгені құрады.

Қазақстан Ұлттық банксінің жалпы халықаралық резервтері 2016 жылдың шілде айының соңында, яғни, бір ай ішінде еш өзгерместен 30,5 млрд. АҚШ долларын құрады. Еліміздің Ұлттық қор активтерін шетелдік валютада өзіне қосып алған халықаралық жиынтық резервтеріміз бір ай ішінде 1,1 %-ға, яғни 95,2 млрд. АҚШ долларына төмендеді. Аталған көрсеткіштің жыл басынан артуы 4,2 %-ды құрады.

Қор нарығы: «ЦКБ»- акциялары артты, ал «ҚМГ» БӨ» акциялары төмендеді
Бір апта ішінде KASE индексі 27,1 тармаққа немесе 2,6 %-ға өсті. Индекстің артуына «Центр Кредит Банк» АҚ акциялары жағымды әсер етті, оның акциясы 19,2 теңгеге немесе 13,2 %-ға артқан. Өткен аптада көшбасшы болған KAZ Minerals PLC акциялары екінші орынға орналасқан. Компания акцияларының құны мыс бағасының түсуіне қарамастан 61,1  теңгеге немесе 9,1 %-ға артып, жұма күні бір акция үшін 733,2 теңге деңгейіне жеткен. Акциялардың өсуі инвесторлардың компания қызметінің 2016 жылдың бірінші жарты жылдығына қатысты күткен оң нәтижелері барысында болды. Бейсенбі күні KAZ Minerals компания қызметінің нәтижесіне шолу жасау 18 тамыз күні болады деп хабарлады.

«ҚазМұнайГаз» БӨ» АҚ акциялары бойынша мейлінше төмендеу анықталған, оның акциялары төрт күн ішінде 1007 теңгеге немесе 6,1 %-ға түскен. Осы аптада акционерлердің кезектен тыс жиналысының болуы компания акцияларының бағасын қалыпқа келтірудің маңызды факторы болды. Еске сала кетсек, өткен жылдың қараша айында «ҚазМұнайГаз» директорлар кеңесі өзінің еншілес компанияларына компанияға бақылауды күшейту мақсатында қарым-қатынас туралы шартты қайта қарауға ұсыныс жасаған болатын және 3 тамыз күні акционерлердің кезектен тыс шақырылуы туралы талапты ұсынды. Күн тәртібіне ҚМГ акцияларын және еншілес компаниялардың жаһандық депозитарлық қолхатын сатып алу туралы шартқа өзгерістер енгізу жайындағы  мәселелер қойылды. Алайда, аталған ұсыныс АКЖЖ-да қабыданбады. Біздің пайымдауымызша, ұсыныстың қабылдануының негізгі себебі акционерлердің сатып алуға ұсынылған бағамен келіспеуі болды.

3 тамыз күні Қазақстанның  Даму банкі 85 млрд. теңгеге қысқа мерзімді облигацияларды қойды. Аталған құралдардың айналысы мерзімі кем дегенде  12 айды құрайды, ал купондық мөлшерлеме жылдық 14 % деңгейінде. Инвесторлардың қысқа мерзімді облигацияларға қызығушылық танытуы аталған құралдардың айналыс мерзімінің қысқалығы ұзақ мерзімді облигациялармен салыстырғанда айтарлықтай аз  қауіпті береді. Қазіргі уақытта KASE қысқа мерзімді облигацияларды шығарудың жеңілдетілген процедурасын дайындаумен айналысуда, оны орналастыру  Ұлттық банкпен 3 күн ішінде тіркелетін болады. Аталған құралды іске қосу осы жылдың қыркүйек айына жоспарланып отыр.

Ақша нарығы: жазғы уақыттағы жағдай
Осы аптада ақша нарығы табыстылығының өзгеруі айтарлықтай болмады. Табыстылықтың 5 б.т. артуы валюталық айырбас операциялары бойынша тіркелді. Ақша нарығының аталған сегменттің табыстылығы  жылдық 12,6 %-ға дейін артқан. Репо сегментіндегі табыстылық өткен апта деңгейінде қалып, жылдық 12,1 %-ды құраған.

Қазақстандағы инфлияция 2016 жылдың шілде айында 0,5%-ды құрады деп Ұлттық экономика министрлігінің статистика комитеті мәлімдеді. Өткен айда азық-түлік тауарларының бағасы - 0,5%-ға, ал азық-түлік емес тауарлар - 0,4%-ға өскен, ақылы қызметтер 0,6%-ға қымбаттаған. Жылдың басынан бастап (2016 жылдың шілдесінен 2015 жылдың желтоқсаны) инфлияция  5,2%-ды құрады. Осы ретте азық-түлік тауарлары 5,6%-ға, ал азық-түлік емес тауарлар 5,2%-ға, қызмет көрсету 4,7%-ға қымбаттаған. 

Тегтер:

inbusiness.kz-ті қараңыз, оқыңыз :

Доллар бағамы шарықтай бере ме?

Сарапшылар теңге қайта қымбаттамайтынын айтуда.  

19 Наурыз 2020 18:53 1481

Доллар бағамы шарықтай бере ме?

Апта басынан бері құлдыраған теңге тағы құнсыздануын жалғастырды. Ақша айырбастау пункттерінде 1 доллар – 480 теңге рекордтық көрсеткішке жетті. Ал Қазақстан қор биржасында 19 наурызда өткен кешкі саудада 1 доллар – 448,50 теңгеге тұрақтады. Яғни наурыз айының басынан теңге 17%-ға құлдыраған.

Осы жайттарды ескерген Ұлттық банк Қазақстан қор биржасымен бірлесіп мәлімдеме жасады.

«Өткен тәулікте жаһандық қаржы нарығындағы валютаның құбылуы айтарлықтай артты. Brent маркалы мұнай бағасы барреліне 25 долларға төмендеп, бір тәуліктің ішінде 14%-ға, жыл басынан бері 60%-дан астамға құлдырады. Әлемдік қор және валюта нарықтары құлдырауын жалғастыру үстінде. Ресей рублі бір күннің ішінде 7,3%-ға, ал жылдың басынан бері 30%-ға әлсіреді. Осы жағдайлар бас банк пен қор биржасының шұғыл шешім қабылдауына әсер етті. Ішкі валюта нарығына сыртқы факторлардың тұрақсыздандыру ықпалын шектеу үшін және Қазақстан Республикасының қаржылық тұрақтылығын қамтамасыз етуге жәрдемдесу мақсатында Ұлттық банк «Қазақстан қор биржасы» АҚ-мен бірге 2020 жылдың 19 және 20 наурызында теңге-доллар валюта жұбын Франкфурт аукционы түрінде сату шешімін қабылдады», – деп хабарлады Ұлттық банк.

Қарапайым тілмен айтқанда енді биржадағы сауда-саттық франкфурт аукционы үлгісінде жүргізіледі. Бұл техникалық жағынан теңгенің айтарлықтай ауытқымауына, бағам динамикасын қалыпты ұстап тұруға мүмкіндік береді. Алайда аталған жаңалықтан кейін ақша айырбастау пункттері бірден АҚШ валютасын саудалауды доғарды.

Сарапшылар мұның себебін доллардың ресми бағамы мен халық сатып алатын бағамның әр түрлі болуында деп түсіндірді.

Экономист Қасымхан Қаппаров  доллар бағамы өсуін жалғастыратынын айтады. Сарапшының пікірінше, реттеушінің ұлттық валютаны ұстап тұратын қоры жеткіліксіз. Сондықтан теңгенің тағы да құнсыздануына дайын болуымыз керек.

«Соңғы екі апта Ұлттық банктің шетел валютасымен сақталған қоры жеткіліксіз екенін көрсетті. Нәтижесінде ол теңгеге қолдау білдіре алмай отыр. Сондықтан менің 1 доллар – 500 теңге болады деген болжамым дәл келетіндей. Алдағы 30 күнде мұнай бағасы барреліне 40 доллардан төмен болса, 1 доллар – 600 теңгеге жетуі мүмкін», – дейді сарапшы.

«DAMU Capital Management» ЖШС бас директоры Мұрат Қастаев теңге мен мұнай бағасы көктемнің соңында тұрақтанатынын айтады. Сарапшының болжамы бойынша оған дейін ұлттық валюта долларға шаққанда 440-480 теңге дәлізінде құбылады.

«Ұлттық банк жағдайға араласпайтынын және теңге нарыққа бейімделетінін көсетіп отыр. Бұл қаншалықты рас оны коронавирустың таралуы тоқтап, теңге мен мұнай бағасы тұрақталған кезде бірақ білеміз. Яғни шамамен көктемнің соңына қарай. Болжам жасаудың мәні қалмады. Бағам күнде құбылады. Қазіргі кезде 1 доллар 440-480 арасында өзгереді», – дейді сарапшы.

Осы орайда Алматы кәсіпкерлер палатасының директоры Нариман Әбілшайықов доллармен бірге импорттық тауарлар бағасы көтерілетінін айтады. Себебі еліміз сырттан келетін тауарлар мен шикізатқа тәуелділі.

«2019 жылы Алматы қаласына 13,5 млрд долларға импорттық тауарлар әкелінген. Бұл 2018 жылмен салыстырғанда 4,7%-ға жоғары. Мәселен Алматыға жылына 1 216 тонна ұялы телефон сырттан келеді. Бұл ақшаға шаққанда 608 млн 670 мың доллар. Сонымен қатар 3,3 млн тонн немесе 72 млн 413 мың долларға табиғи газ импортталады. Бұдан бөлек 10 733 тонна дәрі-дәрмек шетелден келеді. Біздің көптеген тауар түрлерін еліміздің ішінде өндіруге дайын емес екеніміз анық», – дейді Нариман Әбілшайықов.

Құралай Құдайберген

Ұлттық банк валюта саясатын өзгертпейді

Теңге бағамы тұрақты болғанымен, қысқамерзімді сыртқы қысымдар бар.

01 Тамыз 2019 12:58 2195

Ұлттық банк валюта саясатын өзгертпейді

Биыл  9-16 шілде аралығындағы кезеңде ХВҚ Келісімнің IV бабы шеңберінде экономикалық өсу және инфляция, ақша-кредит саясаты, қаржы секторы, салық-бюджет саясатының негіздері және құрылымдық реформалар бойынша болжамдарды талқылау мақсатында ХВҚ Миссиясының Қазақстандағы кезекті сапары болды, деп хабарлайды Ұлттық банк.

Сапардың қорытындысы бойынша ХВҚ қорытынды мәлімдеме ұсынады және жариялайды, онда елдегі экономикалық аухал, даму перспективалары және тәуекелдер бағаланады, сондай-ақ ұсынымдар беріледі.

Миссия ақша-кредит саясатының трансмиссиялық механизмінің тиімділігін арттыру бойынша жұмысты жалғастыру, оның ішінде мемлекеттік қаржыландыру және субсидиялау бағдарламаларын біртіндеп ықшамдау арқылы жалғастыру қажеттілігін атап өтті, деп хабарлайды бас банк.

Сонымен қатар, қорытындыда теңге бағамының жалпы алғанда тұрақты екені және нарықта кезең-кезеңімен туындап отырған қысқа мерзімді қысымға қарамастан қолайлы сыртқы жағдайларға негізделгені көрсетілген. ХВҚ-ның пікірі бойынша, инфляциялық таргеттеу режимін ұстанудың және икемді айырбастау бағамын қолдаудың маңызды мәні бар.

Бұл ретте, ХВҚ-ның қызметкерлері Ұлттық банкке Ұлттық қордың (ҚРҰҚ) немесе зейнетақы қорының (БЖЗҚ) атынан жүргізілетін саясат шараларын және операцияларды іске асыру шеңберінде валюта нарығындағы икемді айырбастау бағамы саясатының ұстанымын растауды және өктемдіктерді нақты шектеуді ұсынды. Айырбастау бағамын басқару тәсілі ретінде оларды қабылдаудың ықтимал тәуекелін төмендету мақсатында айқын қағидаларға сәйкес операциялар жүргізу ұсынылады.

Сонымен қатар халықаралық қаржы ұйымы ең үздік халықаралық практикаға сәйкес Қазақстанда жоспарланған орташа және ірі банктердің сапасына сыртқы бағалау жүргізуді қолдайды. Миссия банктердің баланстарының орнықтылығын, сондай-ақ олардың операцияларының рентабелділігін және тұрақтылығын қамтамасыз ету бойынша кешенді шаралармен қатар осы жұмысты нақты ақпараттық түсіндіруді қажет екендігін атап өтті.

Өз тарапынан, Ұлттық банк инфляциялық таргеттеу және икемді айырбастау бағамы саясатын ұсынатындығын растайды және болашақта ақша-кредит саясаты режимін ауыстыруды қарастырмайтынын мәлімдеді. Айырбастау бағамы сұраныс пен ұсыныс тарапынан факторлардың жиынтығы негізінде айқындалады. Ұлттық Банк экономиканың күйзелістерге жоғары сезімталдығын ескере отырып, тұрақсыздандыратын ауытқуларды бәсеңдету мақсатында өктемдікті жүзеге асыру құқығын өзінде сақтап қалады.

Ұлттық банк Ұлттық қордың және БЖЗҚ-тың активтерін басқару шеңберінде валюта операцияларын жүзеге асыруын жалғастырады. Ұлттық қордың активтерін реконвертациялау бойынша операциялар Қаржы министрлігінің трансферттер бөлуге деген өтінімдеріне және Ұлттық қордың теңге шотына келіп түсетін түсімдерге байланысты жүзеге асырылады. БЖЗҚ-ның валюта операциялары бір жылға бөлінген және ұлттық валютаның бағамына әсері барынша төмен.

Ұлттық банктің валюта нарығындағы операциялары мен іс-әрекеттері ашық. Неттоөктемдіктер көлемдерінің жарияланымы ай сайынғы негізде жүзеге асырылып, валюта нарығындағы ахуал жөніндегі ақпараттық хабарлар үнемі шығып тұрады.

Банк секторына сенімді қалпына келтіру және кредиттік белсенділікті жандандыру үшін тәуекелге бағдарланған қадағалауды енгізу жалғасатын болады және банктік қорландырудың тұрақтылығын арттыру бойынша шаралар қабылданатын болады. Тәуелсіз бағалау 2019 жылғы тамыздан басталып, жыл соңына дейін аяқталатын болады. Тәуелсіз бағалау жүргізу қорытындылары бойынша тексеруге қамтылған әрбір банк бойынша түзету іс-қимылдарының жеке жоспарлары әзірленеді және бекітіледі. Банк активтерінің сапасын тәуелсіз бағалау бойынша іс-шаралар бұқаралық ақпарат құралдарында жарияланатын болады.

Транспаренттілік бағытындағы жұмыс ең алдымен жүйелі қарым-қатынас саясаты арқылы жалғасуда. Ұлттық банк жүргізіліп отырған саясатқа деген сенімділікті арттыру мақсатында БАҚ, нарық, сарапшылар және халық үшін қаржы нарығындағы ахуалды, нарықтық операциялар мен Ұлттық Банктің шараларын түсіндіру бойынша жүйелі ісшаралар өткізуін жалғастырады.

Барлық осы шаралар экономика субъектілерінің шынайы ахуалды түсінуіне және оларда дұрыс болжамдарды қалыптастыруға бағытталған. Біз үшін артықшылық - халық пен нарықтың жүргізіліп отырған ақша-кредит және валюта саясатына сенімдерін арттыру, деп хабарлайды Ұлттық банк.

Аслан Қажен

Тегтер:

inbusiness.kz-ті қараңыз, оқыңыз :

Жаңалықтарға жазылу: