Азия даму банкі (АДБ) 2017 жылы Қазақстан бойынша жаңа стратегиясын таныстыратын болады, деп мәлім етті Азиядағы өзара іс-қимыл және шаралары жөніндегі кеңестің V бизнес-форумы барысында АДБ-ның Қазақстандағы өкілдігінің директоры Джованни Капаннелли.
"Бұл "Елдердің серіктестік бағдарламасы" деп аталады, біз жалпы шағын және орта бизнесті дамыту үшін ынмақтастықты, ШОБ-қа көмегімізді арттырғымыз келеді", – деп атап өтті
Стратегия бес жылға құрылған. Қазақстан 1994 жылы АДБ-ға қосылған кезеңнен бастап тәуелсіз және тәуелсіз емес қарыздар, сондай-ақ даму жобаларына кепіл ретінде 4,9 млрд доллардай қаржы алды. Бас кеңсесі Манилада орын тепкен АДБ-ның міндеті – инклюзивті экономикалық және экологиялық тұрақты даму мен аймақтық ықпалдастық арқылы Азия-Тынық мұхит аймағында кедейлік деңгейін төмендету болып табылады. АДБ 1995 жылы құрылды. Әлемнің 67 елі банктің акционері болып табылады. Олардың 48-і аталған аймақта жұмыс істейді. АДБ-ның 2015 жылғы көмек көлемі 27,2 млрд долларды құрады. Оның 10,7 млрд-ы – қосалқы қаржыландыру.
